web counter
LEXO PA REKLAMA!

SHKARKO APP

App Store
Google Play

Berisha: Rreth 6 mijë nxënës më pak brenda vitit, alarm i madh demografik dhe arsimor

14 Shtator 2026, 09:42, Politikë CNA

Berisha: Rreth 6 mijë nxënës më pak brenda vitit, alarm i

Kryetari i Partisë Demokratike, Sali Berisha, ka ndarë një mesazh me rastin e fillimit të vitit të ri shkollor.

Veç urimit për nxënësit që ulen për herë të parë në bankat e shkollës, Berisha shkruan në rrjetet e tij sociale se ky vit e gjen vendin me rreth 6 mijë nxënës më pak.

Sipas kryedemokratit, kjo situatë përbën një alarm të madh demografik dhe arsimor për Shqipërinë.

Reagimi i plotë:

Të dashur nxënës, mësues dhe prindër,

Së pari, urimin më të përzemërt për të gjithë nxënësit, mësuesit dhe prindërit shqiptarë në këtë ditë të veçantë për ta dhe për mbarë kombin.

Një urim të veçantë, nga zemra, për vogëlushet dhe vogëlushët që ulen sot për herë të parë në bankat e shkollës. Uroj që ky vit i ri shkollor të jetë për ta një vit i mbarë dhe plot suksese, dije dhe ëndrra të bukura.

Por, të dashur miq, viti i ri shkollor 2026–2027 e gjen Shqipërinë përballë një alarmi të madh demografik dhe arsimor.

Në vetëm një vit, Shqipëria ka humbur rreth 5,900 nxënës të arsimit fillor. Numri i tyre ka rënë nga 146,962 në 141,089, një tkurrje prej rreth 4 %, ndërkohë, në Bashkimin Europian rënia ishte vetëm 0.2 %. Pra, Shqipëria po humbet fëmijët e saj me një ritëm shumë më të shpejtë se Europa.

Ky është rezultati i një politike që nuk ka arritur të ndalë shpopullimin, emigracionin dhe largimin e familjeve shqiptare. Shqipëria po zbrazet, por narkoqeveria që është dhe shkaku i zbrazjes është vetëm e kënaqur me këtë!/CNA

 





Lajmet e fundit nga