Protestë te Zogu i Zi/ Shoqërohen 10 qytetarë nga policia, disa prej tyre dhunohen me grushta

Dhunmi

TIRANË- Një protestë është zhvilluar ditën e sotme në zonën e Zogut të Zi në Tiranë. Disa protestues kanë bllokuar mëngjesin e sotëm nyjën e qarkullimit te Zogu i Zi, një prej akseve më të ngarkuara të Tiranës. Për shkak të tensioneve dhe trafikut të krijuar, Policia ka shoqëruar disa persona, të cilët kishin dalë për të protestuar që në orët e para të mëngjesit.

Disa prej protestuesve janë shoqëruar me forcë nga efektivët e Policisë. Në pamjet e mësipërme duket momenti kur një efektiv i forcave “Shqiponja” godet me grusht në bark një prej protestuesve.

Ndërkohë, disa protestues të tjerë shihen teksa shoqërohen drejt furgonëve të Policisë ndërkohë që trafiku vijon të jetë i paralizuar në të gjithë Tiranën./Dosja.al

Pamje

TIRANA- Protesta në zonës e Zogut të Zi e cila u zhvillua ditën e sotme nga një grup protestuesish u shoqërua me tensione dhe përplasje fuizike mesa protestuesve dhe policisë. Në lidhje me këtë, blutë kanë shoqëruar 10 aktivistë. Të shoqëruarit janë Visuar Dalipi, Marjo Reka, Asllan Dogjani, Krenar Kurti, Ermelind Kuka, Artan Daçi, Besnard Kaini, Arnold Çupani, Ilir Muzhaqi dhe Endri Neziraj.

Të shoqëruarit janë dërguar në komisariatin nr.1, ndërsa aktivistët e kanë transferuar protestën e tyre para ambieteve të tij. Ata bëjnë thirrje për lirimin e protestuesve, ndërsa akuzojnë policinë për dhunë./Dosja.al

Pamje

TIRANA- Një grup protestuesish zhvilluan ditën e sotme një protestë në zonën e Zogut të Zi, duke e bllokuar atë për disa minuta në shenjë revolte. Pas kësaj ka ndërhyrë edhe policia, e cila ka shpërndarë protestuesit dhe është përplasur fizikisht me to. Bëhet me dije se në lidhje me këtë janë kryer disa arrestime. Protesta nisi si fillim te Sheshi Skënderbej, për të vijuar në rrugën Durrësit, deri te Zogu i Zi.

Aktivistja, Bora Mitrovica u shpreh se policia ka ndërhyrë në momentin që ata po këndonin himin kombëtar. Sipas saj, ata nisën të përdorin menjëherë forcë ndaj protestuesve dhe i vunë duart në fyt disa çunave që ishin pjesë e protestës. Mitrovica e cilësoi sjelljen e policisë si një sjellje kriminele, ndërsa shtoi se kryeministri Rama është frikacak.

“Sot u mblodhëm te Sheshi Skënderbej në orën 7:00 të mëngjesit. Ishim duke ecur n trotuare. Po këndonim himnin, dhe më pas policia ndërhyri. Nisën të merrnin me forcë dhe i vunë duart në fyt disa çunave që ishin pjesë e protestës. Kur kaluam rrugën këtu, shkuan dhe kapën të gjithë djemtë. Këta duan dhunë, ne jemi për qetësi, për paqe.

Donim të bënim një protestë ditën që të shikonin dhe qytetarët, se natën nuk po në përfaqëson më populli. Kjo nuk është drejtësi, kjo është sjellje kriminele nga ana e policisë së Shtetit. Kjo është policia e pushtetit, që mbrojnë dhunën, Ramën, që është frikacak.”, tha Bora Mitrovica./Dosja.al

Pamje

TIRANA- Një protestë është zhvilluar ditën e sotme në ditën e parë të vitit të ri shkollor, në Tiranë. Një grup personash kanë tentuar të protestojnë në nyjën e qarkullimit te Zogu i Zi gjë e cila e cila ka shkaktuar vështirësi në qarkullim. Pas kësaj ka ndërhyrë menjëherë policia, e cila ka shoqëruar disa persona. 

Ata kanë bërë të mundur zhbllokimin e nyjës së qarkullimit, ndërsa është rikthyer lëvizja normale e automjeteve. Ngjarja ka ndodhur në një moment kur fluksi i automjeteve në kryeqytet është i lartë, për shkak të nisjes së vitit të ri shkollor./Dosja.al