web counter
LEXO PA REKLAMA!

SHKARKO APP

App Store
Google Play

E fundit!

x

A mund të lirohet apo t'i zbutet masa e sigurisë dikujt që nuk pranon të gjykohet?

14 Shtator 2026, 11:13, Aktualitet CNA

A mund të lirohet apo t'i zbutet masa e sigurisë dikujt që

Ky titull është thelbi i përgjigjes që pritet të merret nga vendimi i Gjykatës së Lartë nesër për kryebashkiakun e arrestuar të Tiranës, Erion Veliaj. Ndaj tij rëndojnë 13 akuza të rënda penale: “Korrupsioni pasiv i funksionarëve të lartë shtetërorë ose i të zgjedhurve vendorë, kryer në bashkëpunim", (9 herë), "Pastrimi i produkteve të veprës penale ose veprimtarisë kriminale, kryer në bashkëpunim, më shumë se një herë", "Refuzimi për deklarim, mosdeklarim, fshehja ose deklarimi i rremë i pasurive, interesave private të personave të zgjedhur ose nëpunësve publikë", "Shpërdorim detyre", "Korrupsioni aktiv i funksionarëve të lartë", "Fshehja e të ardhurave", "Veprime që pengojnë zbulimin e së vërtetës", etj., parashikuar nga nenet 260-25, 287/2, 324/a/2, 257/a/2, 248, 180/1, 245, 301, 305/b të Kodit Penal.

Këtu kemi renditur akuzat dhe veprat penale të kryera nga Erion Veliaj. Nuk do t'i hyjmë fare debatit nëse është arrestuar me të drejtë apo pa të drejtë, sepse janë të gjitha vendimet e të gjitha niveleve të gjykatave që e lënë në arrest. Nuk do t'i hyjmë fare diskutimit a ka thënë Gjykata Kushtetuese të lirohet apo të mos lirohet, sepse përgjigjja është shumë e thjeshtë: po të ishte ashtu do të lirohej, Gjykata Kushtetuese do t'i thoshte "lirojeni".

Ajo që duhet theksuar është fakti se: prej korrikut të vitit 2024, dosja e Erion Veliajt me gjithë veprat e sipërpërmendura, me 60 mijë faqe dokumente, fakte dhe prova është çuar në gjykatë. Prej 14 muajsh, Erion Veliaj nuk pranon të gjykohet. Thelbi i përgjigjes që pritet nga Gjykata e Lartë është: A duhet të dalë nga paraburgimi dikush që prej muajsh nuk shkon të gjykohet? Pra, refuzon gjykimin. Nuk paraqitet në gjykatë, por përdor instrumentet e shtyrjes, jurisprudenca e Strasburgut është e qartë në parim: vonesat që i atribuohen vetë të pandehurit dhe mbrojtjes së tij nuk i ngarkohen shtetit. Kush e prodhon vetë zvarritjen, nuk mund ta paraqesë pastaj kohëzgjatjen si provë persekutimi..

Erion Veliaj prej 14 muajsh nuk shkon në gjyq, nuk pranon të gjykohet. Si mund ta lirojë Gjykata e Lartë kur ai nuk gjykohet në arrest? Çfarë ndodh me këtë individ me një masë tjetër sigurie më të butë?

Erion Veliaj jo vetëm nuk pranon të gjykohet, por do të kthehet dhe në detyrë si kryetar bashkie. Nuk kërkon për shembull, një masë tjetër sigurie si detyrim paraqitje apo arrest shtëpie duke dhënë dorëheqjen.

Jo, kërkon të dalë nga burgu e të kthehet në detyrë. Pse? E ka braktisur fare dhe familjen, dhe qytetarin, dhe individin?! Do të kthehet në detyrë thjesht dhe vetëm që të mos ketë proces gjyqësor, që të prishen provat, siç u kapën duke i prishur Klotilda Bushka me shokë.

Një njeri që prej 14 muajsh është në paraburgim dhe nuk shkon të gjykohet, a mund të gjykohet dhe të kemi drejtësi kur ai është në detyrë si kryetar bashkie me gjithë bëmat dhe gjëmat e tij? Kujtojmë këtu sulmet ndaj prokurorëve, sulmet ndaj gjyqtarëve, prishjen e provave. Çfarë do t'u ndodhte dëshmitarëve në qoftë se Erion Veliaj do të ishte në detyrë? Ky është thelbi i përgjigjes që duhet të japë Gjykata e Lartë./CNA

 





Lajmet e fundit nga