Vendi
Kishin humbur rrugën në malin e Dajtit, policia e Tiranës u shkon në ndihmë dy turistëve gjermanë
Ilustrim · Vizion Plus
Dy turistë gjermanë, të cilët kishin humbur rrugën në një zonë malore pranë Qafë Mollës, janë lokalizuar dhe shoqëruar në një zonë të sigurt nga Policia e Tiranës.
Ngjarja u raportua rreth orës 20:15 të 13 shtatorit, kur policia u njoftua se dy turistët kishin humbur rrugën dhe ndodheshin në një terren të vështirë, në zonën pas malit të Dajtit.
Menjëherë pas njoftimit, shërbimet e Komisariatit të Policisë Nr. 4 nisën kërkimet për lokalizimin e tyre dhe organizuan ndërhyrjen për t’i nxjerrë nga zona ku kishin mbetur.
Pas kërkimeve, turistët u gjetën në terren të vështirë. Policia u dha ndihmën e nevojshme dhe i shoqëroi në një zonë të sigurt.
Të dy turistët ishin në gjendje të mirë shëndetësore.
