Një telefonatë anonime ka alarmuar policinë e Tiranës në lidhje me një bombë të vendosur në shkollën Edit Du...
KOSOVA
“E pafalshme”/ Albin Kurti: Të zgjidhim sa më shpejt çështjen e presidentit, zgjedhjet e reja do ishin katastrofë
PiranjatPërditësimi i fundit 14 Shtator 2026, 12:43
Kryeministri i Kosovës Albin Kurti u ka bërë thirrje deputetëve dhe drejtuesve politikë që të përmbyllin procesin për zgjedhjen e presidentit të Kosovës.
Në mbledhjen solemne të Qeverisë së re, Kurti tha se pas konstituimit të Kuvendit dhe votimit të kabinetit qeveritar, zgjedhja e presidentit është çështja kryesore që mbetet për t’u zgjidhur.
Ai iu referua marrëveshjes politike mes Lëvizjes Vetëvendosje dhe LDK-së për kandidatin presidencial, duke shprehur shqetësimin për kundërshtimin e disa deputetëve të LDK-së.
Kurti vlerësoi se Kosova ndodhet pranë një zgjidhjeje dhe paralajmëroi se rikthimi në zgjedhje do të ishte i panevojshëm dhe në dëm të interesit të qytetarëve.
Sipas tij, zgjedhjet e zhvilluara gjatë periudhës së fundit nuk kanë sjellë ndryshime të mëdha në përbërjen politike të vendit. Për këtë arsye, ai kërkoi që deputetët të marrin përgjegjësinë dhe të sigurojnë zgjedhjen e presidentit.
“Si kryetar i LVV-së dhe si kryeministër, ju bëj thirrje liderëve politikë dhe deputetëve: le ta zgjidhim çështjen e presidentit”, tha Kurti.
Ai theksoi gjithashtu se qeveria e re do të ketë si prioritet shërbimin ndaj qytetarëve dhe mbrojtjen e interesit të shtetit.
