web counter
LEXO PA REKLAMA!

SHKARKO APP

App Store
Google Play

Trafiku i armëve/ Berisha: Yeffet një Agasi i huaj, ndrikulla Puca prodhon autoblinda

14 Shtator 2026, 12:48, Politikë CNA

Trafiku i armëve/ Berisha: Yeffet një Agasi i huaj, ndrikulla Puca

Kreu i Partisë Demokratike, Sali Berisha, në konferencën e sotme është ndalur edhe te përgjimet e publikuara nga ish-zëvendëskryeministri Arben Ahmetaj.

Berisha tha se denoncimet e Ahmetajt plotësojnë kuadrin ligjor të regjimit të Edi Ramës.

Po ashtu Berisha tha se dënon me forcën më të madhe kërcënimet e bëra në emër të familjes së Ahmetajt, kërcënime që, sipas Berishës, janë bërë me urdhër të Ramës dhe strukturave të shtetit.

Duke u ndalur tek emri i biznesmenit Ron Yeffet, kreu i PD-së tha se është një Ergys Agasi i huaj që përbën një element tjetër në zinxhirin e akteve mafioze të Ramës.

 

“Nëse ka binjakë të pandarë janë armët dhe droga. Denoncimi i Ahmetajt, që unë e përgëzoj për këtë denoncim të çmuar, plotëson kuadrin e vërtetë të këtij regjimi. Dënoj me forcën më të madhe kërcënimet që i janë bërë familjes së Ahmetajt, me urdhër të Ramës dhe strukturave të narkoshtetit. Opozita do të bëjë të gjitha përpjekjet e veta, por Ron Yeffet, që është varianti joshqiptar i Ergys Agasit, përbën një element tjetër në zinxhirin e akteve mafioze të Edi Ramës. Sot janë dorëzuar firmat për krijimin e komisionit parlamentar mbi veprimtarinë antiligjore korruptive të Edi Ramës dhe kompanisë së tij me Ronin, Veliun dhe Puca. Ajo prodhon autoblinda, ndrikulla Puca”, tha Berisha./CNA





Lajmet e fundit nga