Zyrtarët indianë kapen “mat” duke ngrënë teksa Putin fliste në Samitin BRICS, reagime të shumta në rrjet (VIDEO)

Dy zyrtarë të lartë të qeverisë indiane që morën pjesë në Samitin e 18-të të BRICS, të mbajtur në New Delhi, janë bërë objekt diskutimi në internet. Këshilltari i Sigurisë Kombëtare i vendit, Ajit Doval dhe zëdhënësi i Ministrisë së Punëve të Jashtme indiane, Randhir Jaiswal, u “kapën” duke ngrënë arra ndërsa krerët e shteteve të koalicionit ndërkombëtar politik dhe ekonomik po flisnin.

Konkretisht, në videot që u publikuan, Doval shihet duke përtypur ndërsa presidenti rus Vladimir Putin dhe presidenti iranian Masoud Pezeshkian po flasin.

Pamjet nuk kaluan pa u vënë re nga përdoruesit e rrjeteve sociale, të cilët reaguan me komente. Disa bënë shaka rreth vështirësisë së rezistimit ndaj të ngrënit edhe në një rast kaq formal, ndërsa të tjerë i ngacmuan politikanët indianë, duke u thënë të kujdeseshin për peshën e tyre.