web counter
LEXO PA REKLAMA!

SHKARKO APP

App Store
Google Play

VIDEO/ Goditi me grusht protestuesin, pezullohet efektivi i "Shqiponjave"

14 Shtator 2026, 14:35, Aktualitet CNA

VIDEO/ Goditi me grusht protestuesin, pezullohet efektivi i

Drejtuesi i Përgjithshëm i Policisë së Shtetit, Skënder Hita, ka pezulluar nga detyra një inspektor të forcave “Shqiponja”.

Pezullimi vjen pas publikimit të një videoje në rrjetet sociale ku inspektori J. H. shfaqej duke goditur me grusht një shtetas të shoqëruar gjatë një tubimi të zhvilluar sot në Rrugën e Durrësit.

Po ashtu, Policia e Shtetit njofton se Hita ka urdhëruar edhe nisjen e hetimit disiplinor ndaj efektivit të “Shqiponjave”, për përdorim të paligjshëm të forcës, veprime që cenojnë figurën e punonjësit të policisë.

Njoftimi i policisë

Paraditen e sotme, Drejtori i Përgjithshëm i Policisë së Shtetit, Drejtues Madhor Skender Hita, pas publikimit në rrjetet sociale, të një videoje ku shfaqet një punonjës policie, i cili godet me grusht një shtetas të shoqëruar gjatë tubimit të sotëm në Rrugën e Durrësit, Tiranë, pezulloi menjëherë nga detyra punonjësin e Policisë, inspektor J. H., pjesë e Forcës së Posaçme “Shqiponja” të DVP Tiranë.

Gjithashtu, Drejtori i Përgjithshëm ka urdhëruar Drejtorinë e Standardeve Profesionale në Policinë e Shtetit, për nisjen e hetimit disiplinor ndaj punonjësit të Policisë, për përdorim të paligjshëm dhe të paarsyeshëm të forcës dhe për kryerjen e veprimeve që cenojnë rëndë figurën e punonjësit të Policisë, institucionin apo shërbimin policor në tërësi.

Policia e Shtetit nuk toleron asnjë veprim që kryhet në kundërshtim me ligjin dhe me standardet profesionale të punës dhe do të vijojë të reagojë me vendosmëri ndaj çdo shkeljeje nga punonjësit e saj.

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga