Fundoset një varkë me emigrantë në në brigjet e ishullit Gavdos në Kretë.
Autoritetet greke njoftojnë se një person ka vdekur dhe 25 të tjerë rezultojnë të zhdukur ndërsa roja bregdetare shpëtoi 51 persona nga uji.
Një operacion kërkim-shpëtimi u nis nën koordinimin e Qendrës së Përbashkët të Koordinimit të Kërkimit dhe Shpëtimit (JRCC), në zonën detare 38 milje detare në jug të ishullit të Gavdos, pasi u dha alarmi për një varkë që transportonte emigrantë.
Misioni i kërkimit përfshinte anije patrullimi, një helikopter dhe një dron, si dhe anije tregtare të përfshira në kërkim të ndihmuara nga agjencia e mbrojtjes së kufijve të Bashkimit Evropian, Frontex.
Raportohet se erërat e forta po e vështirësonin punën e kërkimit. Shtrirja detare prej 320 km midis Libisë dhe ishujve të Kretës dhe Gavdosit është bërë një rrugë e njohur për azilkërkuesit që shkojnë në Greqi.
Kërkimet vijojnë edhe këtë të hënë, me autoritetet që përpiqen të gjejnë çdo të mbijetuar ose provë që mund të çojë në zbulimin e personave të zhdukur./Versus.al
