Goditi qytetarin gjatë shoqërimit, Hita pezullon efektivin e Shqiponjave, nis hetimi disiplinor ndaj tij

Është pezulluar nga detyra efektivi i Shqiponjave që goditi me grusht një qytetar gjatë shoqërimit. Drejtoria e Përgjithshme e Policisë së Shtetit ka reguar pas publikimit të pamjeve në rrjetet sociale, ku shfaqet një punonjës policie që godet një qytetar të shoqëruar gjatë një tubimi në kryeqytet.

Sipas Policisë, Drejtori i Përgjithshëm i Policisë së Shtetit Skënder Hita ka pezulluar menjëherë nga detyra punonjësin e Policisë, inspektor J. H., pjesë e Forcës së Posaçme “Shqiponja” të DVP Tiranë. Ndërkohë që ka urdhëruar nisjen e hetimit disiplinor ndaj tij.

Sipas Policisë së Shtetit efektivi akuzohet për përdorim të paligjshëm dhe të paarsyeshëm të forcës dhe për kryerjen e veprimeve që cenojnë rëndë figurën e punonjësit të Policisë, institucionin apo shërbimin policor në tërësi.

Reagimi i Drejtorisë së Përgjithshme të Policisë së Shtetit

Paraditen e sotme, Drejtori i Përgjithshëm i Policisë së Shtetit, Drejtues Madhor Skender Hita, pas publikimit në rrjetet sociale, të një videoje ku shfaqet një punonjës policie, i cili godet me grusht një shtetas të shoqëruar gjatë tubimit të sotëm në Rrugën e Durrësit, Tiranë, pezulloi menjëherë nga detyra punonjësin e Policisë, inspektor J. H., pjesë e Forcës së Posaçme “Shqiponja” të DVP Tiranë.

Gjithashtu, Drejtori i Përgjithshëm ka urdhëruar Drejtorinë e Standardeve Profesionale në Policinë e Shtetit, për nisjen e hetimit disiplinor ndaj punonjësit të Policisë, për përdorim të paligjshëm dhe të paarsyeshëm të forcës dhe për kryerjen e veprimeve që cenojnë rëndë figurën e punonjësit të Policisë, institucionin apo shërbimin policor në tërësi.

Policia e Shtetit nuk toleron asnjë veprim që kryhet në kundërshtim me ligjin dhe me standardet profesionale të punës dhe do të vijojë të reagojë me vendosmëri ndaj çdo shkeljeje nga punonjësit e saj.

Ilir Meta del nga kafazi i qelqtë, Apeli pranon kërkesën që gjyqin ta ndjekë pranë avokatit

15:18 Kronika

Drogë në Portin e Durrësit/ Policia sekuestron mbi 41 kilogramë kokainë! Vlera përllogaritet afro 2 milionë euro (VIDEO)

13:25 Kronika

VIDEO/ Dha alarmin e rremë për bombë në shkollën 9-vjeçare, 47-vjeçari filmoi veten: Të shohim për sa do vijë Policia

12:23 Kronika 37 komente

Autoritetet greke në “gjueti” të famëkeqit shqiptar, Alket Rizai!

12:10 Kronika 2 komente

Protesta e 13 shtatorit, procedohen 20 persona për bllokim rrugësh dhe prishje të qetësisë

11:53 Kronika 5 komente

Rregullorja censuruese e GJKKO-së, gazetarët e çojnë në Kushtetuese! AGSH: Kërkojmë pezullimin dhe shpalljen antikushtetuese

11:07 Kronika 3 komente

Gara për Prokuror të Përgjithshëm në ngërç, Arta Marku kërkon largimin e Sokol Stojanit nga procesi

11:00 Kronika 9 komente

Alarmi i rremë për bombë te “Emin Duraku”, arrestohet Mandi Jatagani! Ishte shoqëruar më herët për dhunë në protesta

10:57 Kronika 25 komente

Protestuesit tentojnë të bllokojnë rrugën tek "Zogu i Zi", policia ndërhyn dhe shoqëron disa persona

09:42 Kronika 15 komente

Ngjarje e rëndë në Roskovec/ Sulmoi me çekiç babain e ish-bashkëjetueses, i plagosuri dërgohet me urgjencë në spital, autori arratiset

09:00 Kronika 2 komente