Ngërçi i pagave për magjistratët vijon të jetë një ndër temat më të diskutuara përgjatë këtyre dy javëve të para të vjeshtës. “Ping-pongu” që po bëhet dhe pasimet sa te një institucion në tjetrin, janë duke sjellë dhjetëra reagime mes qeverisë dhe magjistratëve. Së fundmi, një reagim ka ardhur edhe nga Shoqata e Prokurorëve, e cila përmes një postimi në rrjetet sociale ka lajmëruar se ka dërguar pranë Kuvendit opinionin e saj mbi projektligjin për ndryshimin e pagave të gjyqtarëve dhe prokurorëve.
Shoqata e Prokurorëve e konsideron çështjen e pagave si një element që lidhet drejtpërdrejt me pavarësinë e sistemit të drejtësisë dhe vlerëson se projektligji, në formën aktuale kërkon rishikim të thelluar. Sipas saj, formula e propozuar nuk garanton standardin kushtetues për mbrojtjen e pagës së magjistratëve dhe nuk është në përputhje me vendimin e Gjykatës Kushtetuese të 17 shkurtit 2026.
Në opinionin e dërguar Kuvendit, Shoqata kërkon respektimin e procedurave parlamentare për zbatimin e vendimit të Gjykatës Kushtetuese.
Në mënyrë të përmbledhur, Shoqata kërkon:
-respektimin e plotë të procedurave të posaçme parlamentare për zbatimin e vendimeve të Gjykatës Kushtetuese;
-konsultim real dhe efektiv me organet e qeverisjes së sistemit të drejtësisë, magjistratët dhe organizatat e tyre profesionale;
-një formulë page dinamike që nuk e ngrin pagën, ku mekanizmi më koherent me arkitekturën e ligjit do të ishtë referenca dinamike me nivelin e lartë drejtues të administratës publike;
-nëse eventualisht ruhet referenca me pagën e Presidentit, përcaktimin e një niveli që të mos jetë më i ulët se standardi financiar që rezulton nga Vendimi nr. 15/2026 dhe përcaktimin e një mekanizmi automatik dhe vjetor indeksimi sipas inflacionit faktik, për të mbrojtur fuqinë blerëse të pagës;
-garantimin që ndërhyrja e re ligjore të mos neutralizojë apo reduktojë efektet juridike dhe financiare të Vendimit nr. 15/2026 të Gjykatës Kushtetuese.
View this post on Instagram
Reagimi i plotë:
Pagat e magjistratëve nuk janë thjesht një çështje buxhetore, por garanci e pavarësisë së sistemit të drejtësisë.
Shoqata e Prokurorëve, në vijim të qëndrimeve institucionale për zbatimin e Vendimit nr. 15, datë
17.02.2026 të Gjykatës Kushtetuese, ka dërguar pranë Kuvendit të Republikës së Shqipërisë opinionin e saj mbi projektligjin për ndryshimin e pagave të gjyqtarëve dhe prokurorëve.
Shoqata e Prokurorëve vlerëson se projektligji, në formën aktuale, kërkon rishikim substancial, pasi formula e propozuar nuk garanton standardin kushtetues për mbrojtjen e pagës së magjistratëve dhe është në shkelje të hapur me Vendimin nr. 15/2026 të Gjykatës Kushtetuese.
Në mënyrë të përmbledhur, Shoqata kërkon:
respektimin e plotë të procedurave të posaçme parlamentare për zbatimin e vendimeve të Gjykatës Kushtetuese;
konsultim real dhe efektiv me organet e qeverisjes së sistemit të drejtësisë, magjistratët dhe organizatat e tyre profesionale;
një formulë page dinamike që nuk e ngrin pagën, ku mekanizmi më koherent me arkitekturën e ligjit do të ishtë referenca dinamike me nivelin e lartë drejtues të administratës publike;
nëse eventualisht ruhet referenca me pagën e Presidentit, përcaktimin e një niveli që të mos jetë më i ulët se standardi financiar që rezulton nga Vendimi nr. 15/2026 dhe përcaktimin e një mekanizmi automatik dhe vjetor indeksimi sipas inflacionit faktik, për të mbrojtur fuqinë blerëse të pagës;
garantimin që ndërhyrja e re ligjore të mos neutralizojë apo reduktojë efektet juridike dhe financiare të Vendimit nr. 15/2026 të Gjykatës Kushtetuese.
Qëndrimi ynë është i qartë: zbatimi i një vendimi të Gjykatës Kushtetuese nuk mund të bëhet duke relativizuar standardin e vendosur prej saj. Kostot buxhetore duhen planifikuar dhe përballuar nga shteti, por nuk mund të përdoren si argument për të ulur garancitë kushtetuese të magjistratëve.
Sondazh
Lexo gjithashtu
