E fundit!

21:59 Aktualitet

Gazetari: 30 milionë euro të taksapaguesve janë dhënë për makina që saldohen në një kapanon

Gazetari Julian Hoxhaj ka folur për audiopërgjimin dhe aku...

“Mbështetuni te unë për Ministrinë e Energjetikës”/ Zbardhet një tjetër pjesë e audio-përgjimit për Ron Yeffet

14 Shtator 2026, 21:44, Aktualitet CNA

“Mbështetuni te unë për Ministrinë e

Një tjetër pjesë e audio-përgjimit të publikuar nga ish-zëvendëskryeministri Arben Ahmetaj, është transmetuar mbrëmjen e sotme në Syri Tv, ku flitet për gazin në Vlorë.

Një nga folësit në audio-përgjim është biznesmeni izraelit, Ron Yeffet, i drejtohet bashkëbisedueses, me emrin Tatiana. Kësaj të fundit, Yeffet i thotë që most ë dërgojë asnjë letër zyrtare, sepse me Ministrinë e Energjetikës do të merret ai vetë.

Pjesë nga audio-përgjimi:

Tatiana: Do të përgatisim një letër zyrtare për Ministrin e Energjetikës, që të marrim informacione për gazin në Vlorë. Një letër zyrtare

Ron Yeffet: Përse, jo jo… asnjë letër zyrtare. Shkoni, shkoni në Vlorë, shkoni shikoni bëni çfarë të doni. Më pas do të merrem unë me ta. Nuk do të dërgoni asnjë letër, nuk do të dërgoni asgjë. Informacioni është për ne jo për Ministrinë.

Tatiana: Dakord…Çështja është…ajo që na tha jo është thelbësore. Të bazohemi vetëm në një vizitë në vend do të ishte ineficiente, e pamjaftueshme. Një inspektim fizik, Kompania nuk do të kuptonte asgjë.

Ron Yeffet: Mbështetuni te unë për Ministrinë e Energjisë. Do të shkojmë në Ministrinë e Energjetikës do të flasim me ta për çdo gjë. Por mos e përmendni emrin tim.

Tatiana: Dakord.

Ron Yeffet: Në Vlorë, dakord. Do të kontrolloni, ju përfaqësoni një kompani amerikane. Do të kontrolloni. Do të pyesni për gjithçka dhe ata do të bashkëpunojnë. I thuaj asaj të vij të hënën, të qëndrojë këtu. Do të shkoni në Ministri, një, dy, tre herë.

Tatiana: Mendoj që ajo do të vijë të mërkurën.

Ron Yeffet: Nëse ajo vjen të hënën dhe qëndron, sepse ajo nuk do të jetë të mërkurën dhe të premten askush nuk punon këtu. Nuk është eficente, të jemi më eficent.

Tatiana: Dakord, dakord.

Ron Yeffet: Nëse jo të mërkurën, ata vijnë të premten asgjë nuk ndodh. Dhe ajo duhet të qëndroj këtu derisa të përfundojmë. Unë dua ta përfundojmë, ju duhet të kuptoni. Kam nevoj të filloj. Ne duhet të mbyllim marrëveshje

Tatiana: Ajo vjen nga Johanesburgu, të hënën do të jetë këtu. Nga e marta në mëngjes...

Ron Yeffet: Por ajo nuk duhet të largohet deri në fundjavë.

Tatiana: Dakord. /CNA