Protestuesit që vijojnë aksionin kundër qeverisë së Edi Ramës kanë mbërritur mbrëmjen e sotme pranë Bllokut të Sigurisë, pas marshimit në rrugët kryesore të Tiranës.
Qytetarët janë ndalur para ambienteve ku mbahen personat e ndaluar gjatë protestave të fundit, duke kërkuar lirimin e tyre.
“Lironi qytetarët!” është një prej thirrjeve të protestuesve, të cilët kanë shprehur mbështetjen për personat e ndaluar.
Në kor, protestuesit kanë brohoritur: “Çuna, çuna, jemi këtu, gjithë Shqipëria është me ju!”
