Prej disa ditësh opinioni publik po përgatitet për mundësinë që Erion Veliaj do të dalë nga qelia në 15 Shtator, duke u krijuar perceptimi se kryeqyteti nuk mund të funksionojë pa të. Madje është e dukshme se edhe disa media të huaja janë paguar për të mbajtur të njëjtën linjë editoriale në raport me çështjen e kryebashkiakut të Tiranës.
Veliaj ndodhet në paraburgim për korrupsion, ndërsa në dosjen që lidhet me të janë përfshirë edhe persona të rrethit të tij familjar dhe shoqëror, mes tyre vëllai, bashkëshortja, vjehrra, të afërm dhe persona të konsideruar përfitues pranë tij.
Ndërkohë, disa analistë thonë se prej muajsh, përmes ndryshimeve të adresuara në ligj, është përgatitur terreni që masa e sigurisë ndaj Veliajt të mund të zbutet.
Akuza të forta hidhen edhe ndaj një grupi mediash vendase, të cilat janë identifikuar si media të ushqyera me para të përfituara nga skemat që i atribuohen Erion Veliajt dhe me një pjesë të parave të të ashtuquajturve “Klodi” të inceneratorëve. Të njëjtat media po bëjnë spektakël mediatik në mbështetje të asaj që përshkruhet si një “disidencë e re”: politikanë të akuzuar për korrupsion që paraqiten publikisht si viktima të diskriminimit politik.
Madje të njëjtat segmente që financojnë këto media mburren se tashmë kanë “blerë” gjyqtarët Sandër Simoni dhe Gent Shala, ndërsa për gjyqtarin e tretë pretendohet se “nuk pyet askush”.
Megjithatë, ekuacioni që do të çonte në lirimin nga burgu të Erion Veliajt prishet në momentin kur në të futet komponenti i prokurorëve.
Këta te fundit prej disa vitesh po punojnë me ccështjen, ndërsa dosja përmban dhjetëra fashikuj me prova e dëshmi të cilat nuk ka interes publik (fort e pambështetur kjo ide, sidomos kur ligji rregullon zëvendësimin e ccdo zyrtari) që e justifikon sidomos në rastin e një zyrtari të lartë të arrestuar për disa akuza të rënda. Sepse në fund të kësaj historie nuk është vetëm liria apo paraburgimi i një politikani.
Është besueshmëria e drejtësisë shqiptare.
Dhe nëse 15 shtatori do të shënojë një kthesë në çështjen Veliaj, atëherë ajo ditë mund të tregojë shumë më tepër sesa fatin e një kryebashkiaku.
Kjo është pika ku 15 shtatori mund të bëhet një test shumë më i madh se vetë çështja Veliaj.
Një test për gjykatën.
Një test për SPAK-un.
Një test për mediat.
Dhe mbi të gjitha, një test për mënyrën se si funksionon drejtësia e re shqiptare kur përballë saj është një prej figurave më të fuqishme të politikës shqiptare.
Sepse në fund, pyetja nuk duhet të jetë:
“A do të lirohet Veliaj?”
Pyetja duhet të jetë:
“Kush do të vendosë më 15 shtator: ligji dhe provat, apo presioni i jashtëzakonshëm që po ndërtohet rreth këtij vendimi?”/Versus.al
View this post on Instagram
