Dashi
Do jeni mjaft sensuale gjate gjithë kësaj dite dhe partneri do ju dashuroje me më shume pasion. Do kaloni çaste te mrekullueshme ...
SOCIALE
10 nxënës në total në dy shkolla, drama sociale në fshatrat e Devollit
PiranjatPërditësimi i fundit 15 Shtator 2026, 08:33
Shkolla e fshatit Eçmenik në bashkinë e Devollit këtë vit nuk do të ketë më zilen e parë të shtatorit. Shkolla do të mbyllet, pasi dy fëmijët e vetëm që janë në fshat do të shkollohen në qytetin e Bilishtit. Një tjetër shkollë fshati mbyllet, duke lënë pas një godinë që nuk do të presë më nxënës.
Një banore e fshatit thotë se edhe fëmijët e paktë që kanë mbetur janë detyruar të ndjekin shkollën në Bilisht, ndërsa mungesa e nxënësve e bën të pamundur funksionimin e shkollës.
“Një nxënës në kopsht, një shkollë. E çoi e ëma Bilisht, e regjistroi. Vjet ishim 3-4, sivjet nuk ka. Na vjen keq, fëmijët ku do shkojnë? Shkojnë në Bilisht me paratë e tyre. E për një është i detyruar të rrijë mësuesi”, thotë banorja.
Një tjetër situatë e ngjashme është edhe në fshatin Fitore, ku shkolla e bashkuar ka rreth 7-8 nxënës. Por këtë vit nuk është regjistruar asnjë nxënës në klasën e dhjetë, duke bërë që gjimnazi të mos hapë vitin e parë.
Një tjetër fakt i trishtë vjen nga shkolla e bashkuar e fshatit Fitore. Këtu marrin mësim rreth 7-8 fëmijë, ndërkohë që këtë vit nuk ka pasur asnjë regjistrim në klasën e 10-të. Pra, nuk do të kemi hapje të vitit të parë të gjimnazit, çka do të thotë se e ardhmja, shumë shpejt, e kësaj shkolle pritet të jetë mbyllja.”
Banorët thonë se të rinjtë po largohen drejt Bilishtit dhe Korçës, ndërsa familjet që kanë mbetur në fshat janë gjithnjë e më të pakta.
“Të rinj nuk ka, një pjesë ikin në Bilisht, një pjesë ikin në profesionale në Korçë. I bie të mbyllet. Na vjen keq, gjimnazi ka pasur 200 e ca nxënës. Të rinjtë kanë ikur, fëmijët jashtë, fshat i vogël, por të mëdhenjtë nuk kanë. Nuk ka të rinj”, shprehet një banor tjetër.
