Gjykata Supreme e SHBA-së ka hedhur poshtë planin e presidentit Donald Trump për të kufizuar votimin me postë përpara zgjedhjeve të mesmandatit të nëntorit.
Gjyqtarët mbështetën një urdhër të gjyqtarit federal, i cili bllokoi përkohësisht Shërbimin Postar të SHBA-së (USPS) që të zbatonte kërkesa të reja për fletëvotimet me postë.
Gjykatësi Brett Kavanaugh, një konservator u pajtua me vendimin, por la të kuptohej se më vonë mund të vendoste në favor të Trump, ndërsa procesi gjyqësor për këtë çështje vazhdon.
Trump argumentoi se rregullat e reja do të ndihmonin në luftën kundër mashtrimit zgjedhor. Në mars, ai nënshkroi një urdhër ekzekutiv, përmes të cilit udhëzoi Shërbimin Postar të SHBA-së (USPS) që të shpërndante fletëvotimet vetëm për votuesit që figuronin në listat përkatëse.
Sfidat ligjore argumentuan se kjo masë shkelte të drejtat kushtetuese të shteteve për të administruar zgjedhjet.
Sondazh
Lexo gjithashtu
