web counter
LEXO PA REKLAMA!

SHKARKO APP

App Store
Google Play

E fundit!

x

Një jetë në artin shqiptar/ Reshat Arbana feston 86-vjetorin e lindjes

15 Shtator 2026, 11:38, Kulturë CNA

Një jetë në artin shqiptar/ Reshat Arbana feston 86-vjetorin e

Ikona e kinematografisë dhe teatrit shqiptar, Reshat Arbana, feston sot 86-vjetorin e lindjes.

Lindur më 15 shtator 1940 në Tiranë, ai ka ndërtuar një karrierë monumentale me dhjetëra role të paharruara në teatër dhe kinematografi, duke filluar që nga paraqitjet e tij të hershme në vitin 1963 me filmin ‘Detyra e re’.

Pasi kreu studimet e larta në shkollën për aktorë “Aleksandër Moisiu”, pranë Teatrit Kombëtar në Tiranë, më 1968, ai fillimisht dha kontributin e tij në Radio Tirana, ndërsa nga viti 1977 e deri sa doli në pension shërbeu si aktor i Teatrit Kombëtar të Tiranës.

Një jetë në artin shqiptar/ Reshat Arbana feston 86-vjetorin e

Në skenën e këtij teatri Arbana solli në jetë personazhe të skalitura me mjeshtëri në shfaqje të tilla si ‘Arturo Ui’, ‘Prefekti’ apo ‘Familja e Peshkatarit’, për t'u rikthyer fuqishëm më pas edhe në skenë me role protagonistësh në dramat ‘Streha e të harruarve’ (2004) apo ‘Babai' (2019), me të cilin u shpall gjithashtu “Aktori më i mirë” në Festivalin Ndërkombëtar të Teatrove, duke dëshmuar energji dhe përkushtim të pashtershëm skenik.

Një jetë në artin shqiptar/ Reshat Arbana feston 86-vjetorin e

Gjatë rrugëtimit të tij të jashtëzakonshëm kinematografik, i cili përfshin prodhime të shquara ndër vite si ‘Komisari i dritës’ (1966), ‘Dueli i heshtur’ (1967), ‘Kapedani’ (1972), ‘Fije që priten’ (1976), ‘Gjeneral gramafoni’ (1978), ‘Liri a vdekje’ (1979), ‘Nëntori i dytë’ (1982) në rolin e monumentit të historisë Isa Boletini, ‘Dora e ngrohtë’ (1983), ‘Kush vdes në këmbë’ (1984), ‘Hije që mbeten pas’ (1985), ‘Kur hapen dyert e jetës’ (1986), ‘Binarët’ (1987), ‘Rikonstruksioni’ (1988) e deri te ‘Balada e Kurbinit’ (1990), ai dëshmoi një gamë të gjerë karakteresh, nga figurat dramatike e historike tek ato komike e sociale. Për interpretimet e tij të larta si Dajlan Beu te ‘Kush vdes në këmbë’ dhe Kryetari i Këshillit te ‘Kur hapen dyert e jetës’, ai u kurorëzua me Medalionin e Festivalit të Filmit përkatësisht në vitet 1985 dhe 1987.

Një jetë në artin shqiptar/ Reshat Arbana feston 86-vjetorin eNjë jetë në artin shqiptar/ Reshat Arbana feston 86-vjetorin eNjë jetë në artin shqiptar/ Reshat Arbana feston 86-vjetorin e

Përveç roleve të tij të paharruara në ekran dhe skenë, Reshat Arbana ka lënë një trashëgimi të rrallë edhe përmes interpretimit magjik të poezisë dhe recitimeve epike. Me zërin e tij karakteristik, bariton, të ngrohtë dhe me një forcë të jashtëzakonshme dramatike në vargjet e autorëve të shquar, ai i ka shndërruar recitimet në perla të vërteta të shpirtit dhe identitetit tonë kombëtar.

Një jetë në artin shqiptar/ Reshat Arbana feston 86-vjetorin e

Vlerësimet për kontributin e tij kolosal shtrihen në mirënjohjet më të larta shtetërore e mbarëkombëtare: më 7 tetor 2011, Presidenti i Republikës i akordoi Urdhrin “Nderi i Kombit”, ndërsa më 26 nëntor 2011 Shoqata shqiptare në Parma të Italisë “Scanderbeg” i dorëzoi çmimin “Skënderbeu - Diaspora shqiptare në Itali”.

Një jetë në artin shqiptar/ Reshat Arbana feston 86-vjetorin e

Ky rrugëtim prej legjende të artit shqiptar nderohet sërish në këtë muaj shtator të vitit 2026, në kuadër të edicionit të 14-të të Festivalit Kombëtar të Filmit Shqiptar, që rikthehet pas 13 vitesh, ku ai vlerësohet me Çmimin e Karrierës si një nga 16 kolosët që me punën e tyre shkruan historinë e kinemasë shqiptare./CNA 





Lajmet e fundit nga