Një 41-vjeçar është arrestuar në Mallakastër, pasi dyshohet se kishte kultivuar bimë narkotike në një sipërfaqe toke shtetërore në fshatin Cfir.
Sipas policisë, gjatë kontrolleve në terren janë identifikuar rreth 80 bimë Cannabis Sativa, të kultivuara në afërsi të një sipërfaqeje toke në pronësi të 41-vjeçarit.
Pjesa më e madhe e bimëve është asgjësuar, ndërsa një sasi e vogël është sekuestruar si provë materiale.
Në kuadër të operacionit të koduar “Burimi”, në pranga është vënë shtetasi me inicialet K. L., 41 vjeç, banues në fshatin Cfir.
