web counter
LEXO PA REKLAMA!

SHKARKO APP

App Store
Google Play

E fundit!

x

Rama vijon me dy standarde/ Merr në mbrojtje Veliajn

15 Shtator 2026, 15:32, Politikë CNA

Rama vijon me dy standarde/ Merr në mbrojtje Veliajn

Kryeministri Edi Rama ka bërë një reagim në rrjetet sociale në lidhje me vendimin e Gjykatës së Lartë për kryebashkiakun e Tiranës, Erion Veliaj.

Reagim në të cilin Rama ka vijuar qëndrimin e tij me dy standarde në lidhje me këtë çështje.

Fillimisht rreth një vit më parë, kryeministri kërkoi shkarkimin e Veliajt, ndërsa tani shprehet se Tirana ka mbetur pa kokë dhe Veliaj mbahet në qeli pa gjyq.

Ndërkohë që të gjitha shkallët e gjyqësorit kanë vendosur qëndrimin në qeli të Erion Veliajt, i akuzuar për 5 vepra të rënda penale.

Kryeministri shprehet se kryeqyteti prej rreth dy vitesh jeton me kokë të prerë. Në fakt, është vetë Veliaj që vijon ta lërë në këtë gjendje Tiranën dhe ta mbajë peng, pasi nuk pranon të japë dorëheqjen nga posti i kryetarit dhe kërkon ta mbajë të lidhur pas vetes karrigen e kryebashkiakut për ta përdorur në favor të interesave të tij personale.

Po ashtu Rama në reagimin e bërë shprehet se rasti i Veliajt është një kalvar unik në historinë e Europës. Në fakt, kryeministri duhet ta dijë se ai që e ka kthyer këtë proces gjyqësor në kalvar është vetë Erion Veliaj.

Është Veliaj ai që prej 14 muajsh nuk shkon në gjykatë të përballet me 13 akuzat që rëndojnë ndaj tij. 

Reagimi i Ramës

 

Përsëri Tirana pa kokë dhe përsëri kryetari i zgjedhur e i pagëzuar rishtaz nga vetë Kushtetuesja si i vetmi në detyrë dhe i palëvizshëm nga detyra, nuk mund të lëvizë nga qelia ku mbahet pa gjyq!

Po, rregulli e do që vendimet e gjykatave të respektohen dhe unë i nështrohem gjithnjë këtij rregulli - madje as nuk i komentoj vendimet përpara formës së prerë.

Por, përtej faktit që kalvari i Erion Veliajt është unikal në historinë e Europës demokratike dhe gjithashtu faktit që ende nuk shihet gjëkundi prova e rrezikshmërisë ekstreme, e cila mund të arsyetojë kyçjen e pambarimtë në qeli të një të zgjedhuri nga populli, ka një të vërtetë tjetër të hidhur:

Askush s’po do t’ia dijë për koston përditë e më të lartë të të parit kryeqytet në botë, që prej thuajse dy vjetësh jeton me kokë të prerë dhe për haraçin që thuajse 1 milionë banorë duhet t’i paguajnë përditë këtij eksperimenti të paparë e të padëgjuar juridik, social dhe ekonomik.

 





Lajmet e fundit nga