Mauro Icardi nuk pritet të transferohet te Lazio. Sipas raportimeve të Corriere dello Sport, klubi italian ka vendosur të mos ndjekë më mundësinë e afrimit të sulmuesit argjentinas, i cili aktualisht është lojtar i lirë.
Pavarësisht zërave të fundit për kontakte të reja mes palëve dhe interesimit nga Evertoni në Premier League, Lazio ka zgjedhur të mbyllë diskutimet për transferimin e Icardit.
Sipas raportimeve, një prej faktorëve që ka ndikuar në këtë vendim lidhet me kostot e larta financiare dhe pagat në klub, ndërsa ekzistojnë edhe rezerva në lidhje me ndikimin që mund të ketë ardhja e argjentinasit në skuadër.
Në vend të Icardit, trajneri i Lazios, Gennaro Gattuso, kërkon të fokusohet te Andrea Pinamonti, të cilin e sheh si një prej pikave kryesore të repartit ofensiv.
Gattuso beson se afrimi i Icardit mund të ndikojë në ekuilibrin e skuadrës dhe në harmoninë e dhomës së zhveshjes, ndaj klubi romak duket se ka zgjedhur të mos e vijojë më këtë pistë.
Kështu, pavarësisht interesimit dhe kontakteve të raportuara ditët e fundit, Lazio e ka mbyllur përfundimisht derën për Icardin, duke orientuar projektin ofensiv drejt Pinamontit.
