Agjencia e Mbikëqyrjes Policore (AMP) ka finalizuar më 15 shtator 2026 një operacion që çoi në arrestimin në flagranc&eum...
KOSOVA
Procesi ndaj Thaçit në Hagë, ambasadori kroat: Të shikohet në kuadrin juridik
PiranjatPërditësimi i fundit 15 Shtator 2026, 18:01
Ambasadori i Kroacisë në vendin tonë, Zlatko Kramarić i cili ka qenë edhe ambasadori i parë i Kroacisë në Kosovë, nga Korça ka folur edhe mbi procesin gjyqësor ndaj ish-kryeministrit të Kosovës Hashim Thaçi në Hagë. Sipas ambasadorit, interesi ndërkombëtar i Kosovës e do që ky proces të shikohet vetëm në kuadrin juridik.
“Unë kam qenë ambasadori i parë i Kroacisë në Kosovë dhe në atë kohë zoti Hashim Thaçi ishte kryeministër. Kam pasur mundësinë të bashkëpunoja me të dhe, pikërisht për këtë arsye, e njoh nga ajo periudhë.
Megjithatë, vendimet gjyqësore duhet të respektohen, sado të dhimbshme të jenë. Kjo është një nga bazat e shtetit të së drejtës. Në të njëjtën kohë, mendoj se është e rëndësishme të bëjmë një dallim të qartë midis dy gjërave: çështjes së zotit Thaçi, nga njëra anë, dhe shtetit të Kosovës, nga ana tjetër.
Cilido qoftë vendimi përfundimtar i gjykatës, ai nuk duhet të bëhet hipotekë për shtetin e Kosovës, institucionet e tij dhe perspektivën e tij evropiane.
Për imazhin dhe pozitën ndërkombëtare të Kosovës, do të ishte e rëndësishme që ky proces të shihet vetëm në kuadrin juridik. Me fjalë të tjera, shpresoj që procesi të mos ketë pasur dimension politik, por të jetë mbështetur tërësisht në fakte juridike dhe prova.
Në fund, për rezultatin duhet të vendosë gjykata dhe ai vendim, cilido qoftë, duhet të respektohet”.
