E fundit!

19:25 Aktualitet

"Drama e Roskovecit"/ Këlliçi: Zegjineja, nën akuzë për veprën penale të moskallëzimit të krimit

Dëshmia e një 34-vjeçare e cila pretendon se është mbajtur...

"Drama e Roskovecit"/ Këlliçi: Zegjineja, nën akuzë për veprën penale të moskallëzimit të krimit

15 Shtator 2026, 19:25, Aktualitet CNA

"Drama e Roskovecit"/ Këlliçi: Zegjineja, nën

Dëshmia e një 34-vjeçare e cila pretendon se është mbajtur me forcë dhe është përdhunuar nga daja i deputetes socialiste Zegjine Çaushi ka tronditur opinionin publik.

Në lidhje me rastin dhe dëshmitë e reja të 34-vjeçares ka reaguar nënkryetari i PD-së Belind Këlliçi i cili deklaron se deputetja socialiste sipas dëshmive të 345-vjeçares, ka qenë në dijeni se daja i saj e ka mbajtur peng dhe ka abuzuar.

Këlliçi thekson se referuar këtyre detajeve, ndaj deputetes socialiste Zegjine Çaushi duhet të ketë minimalisht një akuzë për moskallëzim krimi.

Sipas Këlliçit, Zegjine Çaushi duhet të japë llogari e të vendoset para ligjit, njëlloj siç do të kishte ndodhur me çdo qytetar tjetër të zakonshëm

“Drama e Roskovecit, Deputetja e PS Zegjineja, nën akuzë për veprën penale të moskallëzimit të krimit!

Dëshmitë e reja të Meritës, viktimës së dhunës dhe marrjes peng në Roskovec nga daja i deputetes socialiste, e rëndojnë shumë pozitën e Zegjinesë. Viktima thotë se ligjvënësja kishte dijeni për krimin.

Sipas saj, Zegjineja kishte shkuar në ditët e para kur ajo mbahej me forcë dhe kishte biseduar me dajën e saj pikërisht për këtë histori. Mirëpo edhe pse mori dijeni, asgjë nuk ndryshoi.

Merita që kishte nevojë për punë për të siguruar ushqim për familjen, u mbajt edhe 40 ditë e më shumë peng pas vizitës së deputetes në banesën e dajës, dhe u abuzua.

Nëse kjo qëndron, nëse kjo dëshmi është e vërtetë, kemi të bëjmë tanimë me një akuzë penale ndaj deputetes së Fierit. Më e pakta, moskallëzim krimi.

Nuk po flasim këtu për përgjegjësi morale dhe për ekzpozimin në publik se si ushtrohet dhe shpërdorohet pushteti i saj në Roskovec. Por, për një vepër konkrete penale të parashikuar në Kodin Penal, për të cilën ajo duhet të mbajë përgjegjësi.

Rasti është i rëndë. Të gjithë e dinë se Zegjineja është e preferuara dhe ka mbrojtjen e Ballukut. Të gjithë e dinë se ajo nuk e ka etikën për të dhënë dorëheqjen pas këtij incidenti. Por kupa është derdhur. Dhe ajo duhet të japë llogari e të vendoset para ligjit, njëlloj siç do të kishte ndodhur me çdo qytetar tjetër të zakonshëm!”, shkruan Këlliçi./ CNA