web counter
LEXO PA REKLAMA!

SHKARKO APP

App Store
Google Play

E fundit!

x

Me sytë nga Haga/ Shpallet sot vendimi për ish-krerët e UÇK-së

16 Shtator 2026, 07:27, Kosova & Bota CNA

Me sytë nga Haga/ Shpallet sot vendimi për ish-krerët e

Ditën e sotme në Dhomat e Specializuara të Kosovës në Hagë do të jepet vendimi për ish-presidentin e Kosovës dhe ish-komandantin politik të UÇK-së, Hashim Thaçin, ish-kryetarin e Kuvendit, Kadri Veselin, ish-zëdhënësin e UÇK-së dhe ish-kryetarin e Kuvendit, Jakup Krasniqin, si dhe ish-komandantin e UÇK-së, Rexhep Selimin.

Pas gjashtë vitesh nga arrestimi i tyre, ata do të njihen me vendimin e parë gjyqësor për akuzat që rëndojnë mbi ta, krime lufte dhe krime kundër njerëzimit.

Aktgjykimi do të shpallet duke nisur nga ora 10:00, ndërsa seanca pritet të zgjasë rreth dy orë. Vendimi do të shpallet veçmas për secilin prej katër të akuzuarve. Të katër të akuzuarit i kanë mohuar akuzat e ngritura ndaj tyre dhe janë deklaruar të pafajshëm.

Në Prishtinë është mbajtur “Marshi për Liri”, ku mijëra qytetarë kanë shprehur mbështetje për katër ish-krerët e UÇK-së, ndërsa në qendër të kryeqytetit është organizuar edhe “Ora e Pritjes”, si numërim mbrapsht drejt shpalljes së aktgjykimit.

Edhe në Hagë është rritur prania e mbështetësve, ndërsa autoritetet holandeze kanë marrë masa shtesë sigurie rreth objektit të Dhomave të Specializuara. Në Kosovë, ndërkohë, institucionet dhe misionet ndërkombëtare kanë bërë thirrje për qetësi dhe kujdes gjatë ditës së aktgjykimit.

Prokuroria ka kërkuar 45 vjet burg për secilin, ndërkohë pas shpalljes së vendimit të Shkallës së Parë, çështja nuk përfundon domosdoshmërisht. Prokuroria dhe mbrojtja kanë të drejtë të apelojnë vendimin, ndërsa procedurat e mëtejshme do të zhvillohen në përputhje me rregullat e Dhomave të Specializuara. /CNA





Lajmet e fundit nga