web counter
LEXO PA REKLAMA!

SHKARKO APP

App Store
Google Play

E fundit!

x

Më pak se dy orë nga shpallja e vendimit/ Shqiptarët mblidhen para Gjykatës Speciale në Hagë

16 Shtator 2026, 08:38, Kosova & Bota CNA

Më pak se dy orë nga shpallja e vendimit/ Shqiptarët mblidhen

Dhjetëra shqiptarë janë mbledhur paraditen e sotme para Dhomave të Specializuara të Hagës pak para shpalljes së vendimit për ish-presidentin e Kosovës dhe ish-komandantin politik të UÇK-së, Hashim Thaçin, ish-kryetarin e Kuvendit, Kadri Veselin, ish-zëdhënësin e UÇK-së dhe ish-kryetarin e Kuvendit, Jakup Krasniqin, si dhe ish-komandantin e UÇK-së, Rexhep Selimin.

Të pranishëm janë shqiptarë nga të gjitha shtetet fqinje të Holandës dhe jo vetëm, të cilët kanë shprehur mbështetjen e tyre dhe kanë bërë thirrje për lirimin e liderëve të UÇK-së.

Pak më herët në Gjykatë kanë hyrë edhe familjarët e Thaçit, Veselit, Krasniqit dhe Selimit. Ndërkohë autoritetet holandeze kanë marrë një sërë masash për të shmangur çdo lloj incidenti para Dhomave të Specializuara.

Sipas raportimeve, policia në Hagë do të konfiskojë flamuj, shkopinj dhe çdo objekt që mund të shkaktojë lëndime gjatë ndjekjes së procesit.

Pas gjashtë vitesh nga arrestimi i tyre, katër ish-krerët e UÇK-së do të njihen me vendimin e parë gjyqësor për akuzat që rëndojnë mbi ta, krime lufte dhe krime kundër njerëzimit.

Aktgjykimi do të shpallet duke nisur në orën 10:00, ndërsa seanca pritet të zgjasë rreth dy orë. Vendimi do të shpallet veçmas për secilin prej katër të akuzuarve. Të katër të akuzuarit i kanë mohuar akuzat e ngritura ndaj tyre dhe janë deklaruar të pafajshëm. /CNA





Lajmet e fundit nga