Dhoma Speciale e Hagës ka dhënë verdiktin për ish-kreun e UÇK-së, Kadri Veseli, të cilin e akuzon si një nga personat kryesorë që goditi kundërshtarët e Ushtrisë Çlirimtare të Kosovës.
Sipas gjykatësit Charles Smith, Veseli kishte një rol të rëndësishëm në identifikimin dhe goditjen e kundërshtarëve politikë.
Po ashtu, Haga e akuzon Veselin se ishte në dijeni të shumë krimeve, por nuk mori asnjë masë.
Gjykatësi: Në lidhje me zotin Veseli, ai dha kontribut të madh në arritjen e qëllimit të përbashkët. Konkretisht, trupi gjykues zbuloi se zoti Veseli, si shef i Drejtorisë së Identifikimit, Informacionit, Vëzhgimit dhe Neutralizimit, merrej me informacionin, vëzhgimin dhe neutralizimin e personave që quheshin kolaboracionistë.
Për këtë arsye, Drejtoria e Zbulimit ishte një mjet kryesor për zbatimin e qëllimit të përbashkët dhe Veseli ishte anëtar kyç. Zoti Veseli emëroi persona besnikë për zbatimin e planit.
Gjithashtu, trupi gjykues konstatoi se zoti Veseli ishte personalisht i përfshirë në kryerjen e krimeve. Ai u përfshi personalisht në identifikimin dhe shënjestrimin e kundërshtarëve, ku shumë prej tyre u vranë.
Personalisht, mori pjesë në ndalimin, arrestimin dhe vrasjen e paligjshme të Behajdin Allaqit, si dhe në arrestimin e një personi tjetër kundërshtar të UÇK-së.
Gjithashtu, trupi gjykues konstatoi se zoti Veseli kishte dijeni për krimet e kryera, veçanërisht për arrestimin dhe vrasjen e kundërshtarëve, dhe nuk mori asnjë hap për parandalimin e tyre.
Sondazh
Lexo gjithashtu
