web counter
LEXO PA REKLAMA!

SHKARKO APP

App Store
Google Play

E fundit!

x

Seanca në Hagë/ Gjykatësi, me akuza të rënda: Thaçi mori pjesë personalisht në krime

16 Shtator 2026, 11:23, Kosova & Bota CNA

Seanca në Hagë/ Gjykatësi, me akuza të rënda:

Gjykatësi kryesues i seancës ndaj katër ish-krerëve të UÇK-së, Charles Smith, ndau sot edhe detaje nga konstatimet për Hashim Thaçin.

Smith tha se Thaçi dha një kontribut thelbësor në zbatimin e qëllimit të përbashkët kriminal, ndërsa hodhi akuza të rënda se ka marrë pjesë edhe personalisht në krime.

Gjykatësi ndau edhe një episod të 11 qershorit të vitit 1998, në një ngjarje të shtabit të UÇK-së, ku të pranishëm ishin Thaçi dhe Veseli.

“Thaçi dha kontribut të qenësishëm në qëllimin kriminal të përbashkët. Ishte anëtar kyç në qëllimin kriminal të përbashkët. Drejtoria politike krijoi vizionin politik të UÇK-së. Thaçi inkurajoi kryerjen e krimeve përmes publikimit të komunikatave dhe deklaratave politike, si dhe përdorimit të luftës speciale. Thaçi shprehu tolerancë dhe inkurajoi kryerjen e krimeve kundër kundërshtarëve. Thaçi mori pjesë personalisht në krime, përfshirë arrestimin, ndalimin dhe marrjen në pyetje të 13 parlamentarëve.

Më 11 qershor 1998, Behajdin Hallaçi shkoi në shtabin e UÇK-së. Thaçi dhe Veseli e morën Behajdin Hallaçin në pranga. Ai nuk u pa më kurrë dhe trupi gjykues është i bindur se ai u vra. Për të fshehur përgjegjësinë, personat në fjalë ndërmorën masa të ndryshme.

Pas luftës, Thaçi dhe Veseli u përpoqën t’i jepnin ryshfet familjes së tij, me qëllim që të hiqnin dorë nga kërkimi i së vërtetës. Edhe Shaban Dahala u vra. Trupi gjykues konstatoi se Thaçi kishte dijeni për një numër të konsiderueshëm krimesh të kryera kundër kundërshtarëve, sidomos për keqtrajtimin dhe vrasjen. Ai nuk ndërmori asnjë hap për ndëshkimin apo parandalimin e këtyre krimeve. Ai mori pjesë në krime dhe i inkurajoi ato, si dhe ngriti në detyrë personat e përfshirë në këto krime”, tha gjyqtari Smith./CNA

 





Lajmet e fundit nga