Ministri i Jashtëm i Kosovës, Glauk Konjufca, e ka cilësuar si “gjykim të tmerrshëm” për Kosovën vendimin për dënimin e ish-udhëheqësve të Ushtrisë Çlirimtare të Kosovës (UÇK).
Konjufca ka deklaruar se vendimi është i padrejtë dhe i pamerituar, ndërsa sipas tij mund të ketë pasoja të mëdha për shtetin e Kosovës dhe mënyrën se si trajtohet narracioni për luftën çlirimtare.
Ai e ka cilësuar vendimin si “të trishtueshëm, të padrejtë dhe të pamerituar”, duke theksuar se pasojat, sipas tij, do të jenë të mëdha për Kosovën.
Konjufca ka përmendur edhe rolin e Serbisë në rastet e krimeve të luftës, duke kritikuar atë që e konsideron si standard të dyfishtë në trajtimin e përgjegjësive për luftën në Kosovë.
“Gjykim i tmerrshëm për Kosovën, për luftën tonë çlirimtare. Kosova e ka përjetuar vetë luftën, e dimë çka është lufta e UÇK-së dhe ne e dimë që nuk ka pas far mekanizmi kriminal për me cenu asnjë popullatë. Është vendim i trishtueshëm, i padrejtë, i pamerituar.
Vërtet është diçka për të cilën do të jetë dëm shumë i madh, edhe për narracionin tonë, edhe për shtetin e Kosovës. Kur po më kujtohet që aktakuzën e kanë pas Serbi, që janë dënuar 15 vjet në mungesë e kjo gjykatë kinse në emër të popullit me këto dënime drakonike”, ka thënë Konjfuca pasi doli nga salla në Hagë.
