Qeveria ka vendosur të riaktivizojë Bordin e Transparencës për çmimet e karburanteve, pasi çmimi i naftës ka qëndruar mbi 220 lekë për litër për më shumë se dy javë.
Lajmin e bëri të ditur ministrja e Ekonomisë, Delina Ibrahimaj, e cila tha se vendimi lidhet me një mekanizëm të përcaktuar më herët për reduktimin e akcizës në rast se çmimi i karburanteve kalon këtë nivel.
Aktualisht, çmimi i naftës vijon të jetë 229 lekë për litër, nivel në të cilin është qëndruar prej më shumë se dy javësh.
“Sot morëm një vendim që e kemi diskutuar prej disa kohësh për riaktivimin e Bordit të Transparencës për çmimin e karburanteve. Duke qene se çmimi më shumë se dy javësh qëndron 222 lekë për litër dhe duke qenë se kemi marrë një vendim paraprakisht ku sa herë që çmimi të kalojë 220 lekë në do të aktivizojmë një mekanizëm për reduktimin e akcizës, atëherë mekanizimi i vetëm përmes ne të cilën ne mund të aktivizonim reduktimin e akcizës ishte ringritje bordit”, tha ministrja Delina Ibrahimaj, e cila theksoi se nuk ka një afat sa do të zgjasë.
