Dhomat e Specializuara të Kosovës në Hagë, morën këtë të enjtë një vendim drastik ndaj ish krerëve t&eu...
KOSOVA
“Padrejtësia më e madhe e shekullit”/ Vajza e Jakup Krasniqit shpërthen pas dënimit me 25 vite burg të babait
PiranjatPërditësimi i fundit 16 Shtator 2026, 15:10
Pas aktgjykimit të shpallur sot në Hagë ndaj katër ish-krerëve të UÇK-së, reagimet nga familjarët kanë qenë të forta. Në mesin e tyre ka reaguar edhe Gresë Krasniqi, vajza e Jakup Krasniqit, e cila përmes një postimi në Facebook ka shprehur dhimbjen dhe zhgënjimin e saj për vendimin.
Në reagimin e saj, ajo e kundërshton ashpër vendimin e Gjykatës Speciale dhe thotë se, pavarësisht dënimit, bindja e saj për pafajësinë e babait dhe tre ish-krerëve të tjerë të UÇK-së mbetet e pandryshuar. Ajo e mbyll mesazhin me një deklaratë të fortë: “Krenaria mbetet. E vërteta mbetet.”
Deklarata e plotë:
Të dashur qytetarë të Republikës së Kosovës, Sot, në qytetin e drejtësisë, ndodhi padrejtësia më e madhe e këtij shekulli. Në një gjykatë që ne e konsiderojmë të padrejtë, politike, raciste dhe kriminale, u dha një vendim po aq i padrejtë, politik, racist dhe kriminal. Ky vendim, perfundimisht, ndryshon historinë e Republikës së Kosovës, i vendosë një njollë të zezë UÇK-së dhe barazon viktimën me agresorin. Katër burra që i kthyen armët kundër armikut, jo për të pushtuar e as për pushtet, por për të mbrojtur pragun e shtëpisë që digjej e shkatërrohej; për të mbrojtur familjarët që dhunoheshin, përdhunoheshin, torturoheshin e vriteshin; që zhdukeshin e dëboheshin nga trojet e tyre.
UÇK-ja luftoi kundër kasapit të Ballkanit, kundër një prej ushtrive më të përgjakshme të rajonit, kundër një makinerie ushtarake që kreu gjenocid në Kosovë. E megjithatë, sot u dënuan çlirimtarët.
Në këtë gjykatë te padrejt, sot u dënua zëdhënësi i UÇK-së, ndërsa homologu i tij i atëhershëm, Ivica Daçiq, vazhdon të jetë i lirë dhe të jetojë krejt mirë në Beograd. Ky eshte vec nje tjeter tregues i qarte per natyren paragjykuese dhe politike te po kesaj gjykate. Natyrisht, ky vendim na ka lënduar dhe na ka zhgënjyer, Por kurrë nuk do të na thyejë dhe kurrë nuk do të na dorëzojë.
Unë jetoj dhe do të vdes me bindjen time të plotë në pafajësinë dhe çiltërsinë e babait tim, Hashimit, Kadriut dhe Rexhës.
