Altin Krasniqi, djali i ish-kryeparlamentarit dhe një prej ish-krerëve të UÇK-së, Jakup Krasniqi, ka reaguar pas shpalljes së aktgjykimit nga Dhomat e Specializuara të Kosovës në Hagë, duke bërë të ditur se ka takuar babanë e tij menjëherë pas përfundimit të seancës.
Përmes një reagimi në rrjetet sociale, Altin Krasniqi ka përcjellë mesazhin e babait të tij, i cili ka falënderuar shqiptarët për mbështetjen ndaj Ushtrisë Çlirimtare të Kosovës dhe ka shprehur qëndrimin e tij pas vendimit të gjykatës.
“Sapo përfundova vizitën me babin. Ai falënderon secilin shqiptar për mbështetjen që i është dhënë luftës së drejtë të Ushtrisë Çlirimtare të Kosovës. Ata janë të fortë, krenarë dhe me ndërgjegje të pastër për veprimtarinë e tyre”, ka shkruar ai.
Sipas Altin Krasniqit, aktgjykimi i shpallur në Hagë nuk e ndryshon bindjen e ish-krerëve të UÇK-së për atë që, sipas tij, është arritur gjatë luftës dhe më pas me shpalljen e pavarësisë së Kosovës.
“Ky nuk është dënim për ta, sepse fitoren e tyre e kanë fituar në qershor të vitit 1999 dhe më 17.02.2008”, ka vijuar ai, duke iu referuar përfundimit të luftës në Kosovë dhe shpalljes së pavarësisë së vendit.
Altin Krasniqi e ka cilësuar aktgjykimin e shpallur në Hagë si “një dënim për popullin dhe shtetin e Kosovës”.
Në fund të reagimit, ai ka përcjellë edhe një mesazh për Ushtrinë Çlirimtare të Kosovës, duke theksuar rëndësinë që, sipas tij, ajo vazhdon të ketë për shqiptarët.
“UÇK-ja është dhe do të mbetet krenaria jonë”, ka shkruar Altin