Detaje të reja kanë dalë në dritë nga plagosja me armë zjarri e regjistruar pasditen e sotme në lagjen numër 1 të qytetit të Durrësit.
Nga të dhënat paraprake mësohet se i plagosur ka mbetur avokati Elton Shllaku, 52 vjeç.
Sipas policisë, rreth orës 17:30, 61-vjeçari F. F., banues në Durrës, dyshohet se për motive të dobëta ka qëlluar me armë zjarri avokatin, i cili ka mbetur i plagosur në dorë dhe ndodhet jashtë rrezikut për jetën.
Pas ngjarjes, autori është larguar nga vendi i krimit. Policia ka ngritur pika kontrolli dhe vijon kontrollet në zonë për kapjen e tij.
Grupi hetimor, nën drejtimin e Prokurorisë, po punon për zbardhjen dhe dokumentimin e plotë të rrethanave të plagosjes.
LEXO EDHE:
Të shtënat në Durrës, policia: 52-vjeçari plagoset në dorë, autori në kërkim
