Protesta e 109-të në Tiranë ka vijuar edhe pas përfundimit të fjalimeve para Kryeministrisë, me qytetarët që janë rikthyer marshimit në rrugët e kryeqytetit.
Gjatë tubimit, protestuesit kanë reaguar edhe ndaj vendimit të Gjykatës Speciale në Hagë për ish-krerët e UÇK-së. Në shenjë solidariteti me ta, nga turma janë përsëritur disa herë thirrjet “UÇK, UÇK”.
Pas mbylljes së fjalimeve, marshimi ka nisur sërish, ndërsa qytetarët kanë vijuar lëvizjen nëpër rrugët e Tiranës.
Krahas mesazheve në mbështetje të ish-krerëve të UÇK-së, protestuesit kanë përsëritur edhe kërkesat e tyre kundër qeverisë dhe kryeministrit Edi Rama.
Marshimi vijon në kryeqytet, duke shënuar një tjetër moment të protestës së 109-të.
