Zbardhen vendimet e qeverisë/ 17 ushtarakë dhe një helikopter, në operacionin ushtarak ndërkombëtar “KFOR”

Sot në mbledhjen e Këshillit të Ministrave janë miratuar disa vendime dhe projektligje.

Këshilli i Ministrave ka miratuar pjesëmarrjen e Forcave të Armatosura të Republikës së Shqipërisë me 17 ushtarakë dhe një helikopter, në operacionin ushtarak ndërkombëtar “KFOR”, Kosovë.

Po ashtu janë miratuar disa projektligje:

-Për një shtesë në vendimin Nr. 1178, datë 24.12.2020, të Këshillit të Ministrave, “Për përcaktimin e dokumentacionit dhe rregullave të hollësishme të evidentimit të ndërtimeve pa leje”, të ndryshuar

-Për dhënien e mendimit të Kuvendit të Republikës së Shqipërisë për projektligjin joqeveritar “Për disa ndryshime në ligjin nr.10242, datë 25.2.2010, “Për Institutin e Studimeve për Krimet dhe Pasojat e Komunizmit në Shqipëri”, të ndryshuar”.

-Për disa shtesa dhe ndryshime në vendimin Nr. 550, datë 27.8.2014, të Këshillit të Ministrave, “Për miratimin e rregullores ‘Për mbrojtjen e sigurisë dhe shëndetit të punëmarrësve nga risqet e lidhura me ekspozimin ndaj agjentëve biologjikë në punë’.

Po ashtu u miratua dhe emërimi i Mario Keputa, si zëvendësministër i Ekonomisë dhe Inovacionit.

Gjatë mbledhjes së sotme u miratua dhe projektligji:

 -Për krijimin, mbajtjen dhe menaxhimin e rezervave minimale të sigurisë së naftës bruto dhe nënprodukteve të saj.

Ky ligj ka për objekt përcaktimin e rregullave për krijimin, administrimin, depozitimin dhe përdorimin e rezervave të sigurisë së naftës bruto dhe nënprodukteve të saj (në vijim rezervat e sigurisë), me qëllim garantimin e një niveli të lartë të sigurisësë furnizimit në Republikën  e Shqipërisë./ CNA