Pak para asamblesë së OKB-së/ SHBA-të refuzojnë t'i japin vizë presidentit të Autoritetit Palestinez

Për të dytin vit radhazi, qeveria amerikane i ka mohuar Presidentit të Autoritetit Palestinez, Mahmoud Abbas, vizën për të marrë pjesë në Asamblenë e Përgjithshme të OKB-së javën e ardhshme.

Sipas njoftimit të Departamentit të Shtetit vendimi është marrë se Autoriteti Palestinez ka dështuar në zbatimin e disa reformave. 

"Si rezultat i dështimit të tyre për të zbatuar reformat, në kundërshtim me angazhimet që kanë bërë ndaj SHBA-së, dhe aktiviteteve të tyre të vazhdueshme që dëmtojnë perspektivat për paqe, SHBA-të do të zgjerojnë sanksionet e tyre duke ndaluar lëshimin e vizave për anëtarët e PLO-së (Organizata për Çlirimin e Palestinës) dhe zyrtarët e Autoritetit Palestinez", tha Departamenti i Shtetit i SHBA-së në një njoftim për shtyp.

Në vitin 2025, administrata Trump kishte refuzuar gjithashtu t'i jepte atij vizë, duke e detyruar politikanin palestinez, i cili shkonte në Asamblenë e Përgjithshme pothuajse çdo vit, t'u drejtohej udhëheqësve të tjerë nëpërmjet videos.

Uashingtoni e akuzon atë për "shkelje të angazhimeve" që kishte bërë për të rivendosur "paqen në Lindjen e Mesme" dhe "veprime që e dëmtojnë atë" dhe që synojnë "ndërkombëtarizimin e konfliktit izraelito-palestinez", veçanërisht përmes "Gjykatës Ndërkombëtare Penale (GJND) dhe Gjykatës Ndërkombëtare të Drejtësisë (GJND)" të OKB-së.

SHBA-të po vepron ndryshe nga disa vende të tjera, përfshirë Francën, e cila njohu shtetin e Palestinës në OKB vitin e kaluar.
 Një total prej 142 shtetesh anëtare të OKB-së e bënë këtë, pas një konference mbi zgjidhjen me dy shtete të bashkëkryesuar nga Franca dhe Arabia Saudite. /CNA