Operacioni antidrogë në Korçë/ Detaje të reja, kanabis edhe te goma rezervë

Zbardhen detaje të reja nga operacioni antidrogë i koduar “Ngarkesa”, që u zhvillua në Korçë.

Policia e Korçës bën me dije se si rezultat i hetimeve të kryera me metoda proaktive, gjatë 1 jave, u arrestuan në flagrancë shtetasit S. T., 27 vjeç, dhe J. P., 26 vjeç, banues në Tiranë, dhe B. H., 25 vjeç, banues në Shëngjin.

Këta shtetas u kapën nga shërbimet e Policisë, në aksin rrugor Përrenjas-Pogradec, duke qarkulluar një automjet me karroceri që drejtohej nga shtetasi J. P. Në karroceri ishte ngarkuar një automjet tip "Volkswagen", në bagazhin e të cilit, në vendin e gomës rezervë, u gjet një sasi lënde e dyshuar narkotike kanabis sativa, me peshë 5.7 kg.

Gjatë kontrollit fizik, shtetasit S. T. iu gjet një sasi lënde e dyshuar narkotike kanabis.  

Materialet procedurale iu referuan Prokurorisë së Korçës, për veprime të mëtejshme, për veprën penale "Prodhimi dhe shitja e narkotikëve", kryer në bashkëpunim./CNA