“Jam shqiptare dhe kam të pasme të mëdha”, Bebe Rexha tregon hapur si ka ngacmuar Drake: I thashë jam vajza e ëndrrave të tua

Bebe Rexha ka treguar se dikur i ka dërguar një mesazh privat Drake, pasi pa transmetimin viral “20v1”, ku reperi merrte pjesë në një format takimesh me disa vajza. Këngëtarja shqiptare tha se vendosi të provonte fatin dhe t’i shkruante drejtpërdrejt.

“Jam vajza e ëndrrave të tua, jam shqiptare, kam të pasme të mëdha dhe kam punët e mia”, kujtoi Rexha se i kishte shkruar Drake. Por, pavarësisht mesazhit të drejtpërdrejtë, ajo nuk mori asnjë përgjigje. Këngëtarja tha me humor se nuk e di nëse reperi e ka parë mesazhin apo thjesht ka zgjedhur ta injorojë, pasi ai nuk e ndjek në rrjetet sociale dhe nuk mund të shohë nëse mesazhi është hapur.

Gjatë bisedës, Rexha foli edhe për historinë sentimentale të Drake dhe përmendi Rihanna-n. “Mendoj se për këdo që ka dalë me Rihanna-n, është e pamundur të ngrihet më lart”, tha ajo, duke e cilësuar këngëtaren si “vajzën më të bukur”. Rexha tregoi gjithashtu për një tjetër takim me Drake në një ceremoni çmimesh, ku e përshëndeti me “Hey Daddy?”, por mori një reagim të ftohtë. Sipas saj, një pjesëtar i sigurimit i kërkoi të mos e quante më në atë mënyrë.

Pavarësisht këtyre episodeve, Bebe Rexha nuk e ka mbyllur plotësisht mundësinë për një njohje me Drake. Ajo tha se një mik i përbashkët mund të provonte të zbulonte nëse reperi do të ishte i interesuar, pa e vendosur atë vetë në një situatë të sikletshme. Ndërkohë, moderatorja Angie Martinez bëri shaka se Rexha mund ta kthente gjithë historinë në një këngë, madje sugjeroi edhe mundësinë që të dy artistët të përfundonin së bashku në studio.

/vizionplus.tv