Konflikti me thika mes të rinjve në Sarandë/ Policia jep detaje për ngjarjen

Tre persona janë arrestuar në Sarandë për palgosjen me thikë të dy vëllezërve. Sipas informacioneve, në pranga janë vënë shtetasit K. A., 22 vjeç, A. S., 19 vjeç dhe E. B., 19 vjeç.

Siç u raportua dhe më herët këta persona në bashkëpunim me njëri-tjetrin, mbrëmjen e djeshme, rreth orës 22:35, në lagjen nr. 1, Sarandë, janë konfliktuar, dyshohet për motive të dobëta, me dy vëllezër.

Këta të fundit, shtetasit M. Sh., 20 vjeç, dhe E. Sh., 25 vjeç, bëhet me dije se ndodhen nën kujdesin e mjekëve.

Njoftimi i plotë:

Sarandë/Plagosën me mjete prerëse dy vëllezër, arrestohen në flagrancë 3 shtetas.

Specialistët për Hetimin e Krimeve në Komisariatin e Policisë Sarandë arrestuan në flagrancë shtetasit:

K. A., 22 vjeç, A. S., 19 vjeç dhe E. B., 19 vjeç, banues në Sarandë.

Këta shtetas, në bashkëpunim me njëri-tjetrin, mbrëmjen e djeshme, rreth orës 22:35, në lagjen nr. 1, Sarandë, janë konfliktuar, dyshohet për motive të dobëta, me dy shtetas (vëllezër).

Gjatë konfliktit, dy vëllezërit, M. Sh., 20 vjeç, dhe E. Sh., 25 vjeç, janë goditur me mjete prerëse dhe ndodhen nën kujdesin e mjekëve.

Menjëherë pas ngjarjes, shërbimet e Policisë organizuan punën dhe, si rezultat i reagimit në kohë, identifikuan, kapën dhe arrestuan autorët e dyshuar të plagosjes.

Materialet procedurale i kaluan Prokurorisë për veprime të mëtejshme, për veprat penale “Plagosja e rëndë me dashje”, e kryer në bashkëpunim, dhe “Prishja e qetësisë publike”. /CNA