Një ngjarje e rëndë është regjistruar pasditen e sotme në zonën e “Plazhit të Vogël” në Velipojë, ku një 82-vjeçar nga Kosova ka humbur jetën teksa po lahej në det.
Sipas të dhënave paraprake të Policisë, rreth orës 15:30, shtetasi me iniciale E. M., 82 vjeç, dyshohet se ka pësuar arrest kardiak ndërsa ndodhej në ujë.
Si pasojë, ai është mbytur dhe nuk ka mundur të mbijetojë.
Pas njoftimit për ngjarjen, në vendngjarje ka mbërritur grupi hetimor, i cili ka nisur punën për dokumentimin e plotë të rrethanave dhe përcaktimin e shkaqeve të ngjarjes.