Presidenti i FIFA-s, Gianni Infantino, po përballet me presion në rritje brenda drejtimit të organizatës, teksa Federata Angleze e Futbollit kërkon që të bëhen publike dokumentet dhe komunikimet që lidhen me dy çështje të debatueshme.
Kërkesa është paraqitur nga Debbie Hewitt, presidente e Federatës Angleze dhe njëkohësisht anëtare e drejtimit të FIFA-s. Në një letër drejtuar Infantinos dhe sekretarit të përgjithshëm Mattias Grafström, ajo kërkon që anëtarët e Këshillit të FIFA-s të kenë akses në materialet përpara mbledhjes së 15 tetorit.
Në qendër të kërkesës është projekti FIFA Forward Enterprise, përmes të cilit ishte shqyrtuar mundësia e përfshirjes së investitorëve privatë në të drejtat ekonomike të Kupës së Botës. Skema raportohej se mund të arrinte një vlerë prej rreth 15 miliardë paundësh dhe kishte përfshirë edhe investitorin Joshua Kushner.
Projekti u tërhoq gjatë verës nga Infantino, pas kundërshtimeve të forta. Një nga çështjet që ka ngritur pikëpyetje lidhet me faktin se Këshilli i FIFA-s nuk ishte konsultuar përpara se iniciativa të merrte formë.
Hewitt kërkon që kjo çështje t’i nënshtrohet edhe një hetimi të pavarur. Ajo ka shprehur gjithashtu shqetësim për mungesën e komunikimit të Infantinos me Këshillin që prej 5 gushtit, kur u njoftua tërheqja e projektit.
Në të njëjtën letër përfshihet edhe çështja e Folarin Balogun. Sulmuesi amerikan ishte përballur me një ndalim për të marrë pjesë në Botëror, por masa u
