Vendimi i Hagës nxit protesta dhe reagime në Kosovë/ PDK mbledh Kryesinë, familjarët: Gjykatë kriminale, presim pafajësi në Apel
Haga dënoi me 81 vite burg në total ish-krerët e UÇK-së/ Studentët në Prishtinë nisin p...
Haga dënoi me 81 vite burg në total ish-krerët e UÇK-së/ Studentët në Prishtinë nisin p...
Pagat e magjistratëve/ Bardhi: Nuk mund të tallemi me pagat e prokurorëve dhe gjyqtarëve, tërhiqeni ligjin 17 Sht...
VIDEO/ Protesta para Kuvendit, polica bllokon me gardh metalik zonën 17 Shtator, 09:17 Përshkallëzohet sit...
Protesta në Tiranë/ Nis marshimi drejt godinës së Kryeministrisë 16 Shtator, 19:17 Dënimi i ish-...
Ai thekson se edhe para shpalljes zyrtare, e kishte kuptuar se gjykata do të dënonte të akuzuarit, ndërkohë thekson se familjarët nuk kanë pasur frikë nga drejtësia, por, sipas tij, nga politika.
KOSOVË- Klestor Veseli, djali i ish-kryeparlamentarit të Kosovës, Kadri Veseli, ka rrëfyer momentet e përjetuara në Hagë para dhe gjatë shpalljes së vendimit ndaj katër ish-krerëve të UÇK-së, të cilët u dënuan me 81 vite burg në total. Me anë të një postimi në rrjetet sociale, Veseli tregon momentin kur pa të atin në sallë dhe shkëmbeu me të një shenjë me duar, të cilën e përshkruan si simbolin “të dua”.
Sipas Veselit, kjo shenjë ishte përdorur nga babai i tij gjatë fushatave politike dhe lidhej me gjuhën e shenjave. Ai thekson se edhe para shpalljes zyrtare, e kishte kuptuar se gjykata do të dënonte të akuzuarit, ndërkohë thekson se familjarët nuk kanë pasur frikë nga drejtësia, por, sipas tij, nga politika.
Në reagimin e tij, ai thekson gjithashtu se familjarët nuk do të dorëzohen dhe u bën thirrje mbështetësve të mos reagojnë me urrejtje. Në fund të reagimit, Klestor Veseli përmend familjet e dëshmorëve, të zhdukurve dhe luftëtarëve të UÇK-së, duke thënë se familjarët e ish-krerëve të UÇK-së “ua kanë borxh” atyre që kanë sakrifikuar për Kosovën.
Reagimi i djalit të Kadri Veselit, Klestor Veseli:
Natën e 15 Shtatorit, ja arrita të fle gjumë, por jo të pushoj. Atë natë kisha shkuar të shoh axhallarët e mi, ti përqafoj fort dhe të mundohem tu jap e të marrë forcë e kurajo përballë asaj që na priste nesër. Ne ishim optimist dhe pozitiv, por refuzoja t’ia lëja asgjë në dorë rastësisë, doja të ishim të përgaditur për gjithçka, duke konsideruar historinë e popullit tonë, e të individëve si Adem Demaçi, i cili mbajti padrejtësisht 28 vjet burg në burgjet e Jugosllavisë, 1 vit më shumë se Nelson Mandela simbol botëror i lirisë dhe rezistencës.
Një natë më herët i kisha kërkuar hotelit të aranzhoj një taksi që të na dërgonte në drejtim të Gjykatës. Në mëngjes, gjatë rrugës po shihja jashtë dritares së automjetit makinat e ndryshme me tabela të huaja, por që ishin Shqiptarët tanë. Këtë e tregonin flamujt e UÇK-së, herë të mbështjellë në pjesën përparëme të makinës e herë duke valvitur nga dritaret e hapura. Kaluam ambasadën, logo-ja e UÇK-së e ngjitur në dyert e saj, kaluam parkun në të cilin kishim protestuar vite më parë i cili ishte mbushur me njerëz e me ngjyrat e Ushtrisë Çlirimtare. Arritëm në gjykatë, Nuk e di si u futëm mbrenda nga kallaballëku. Por rreth orës 08:45 veç se kishim zënë vendet në galerinë e publikut. Aty ishin të gjitha familjet, të gjithë në emocione duke pritur që perdet të hapen dhe ti shohim më në fund, më të shtrenjtët tanë.
Kur ora preku 09:00, ajo ishte ora më e gjatë e jetës time. 60 minutat e rradhës mu dukeshin si 60 orë, me dukej sikur kalonin dhjetëra orë kur i afrohesha axhës tim, Veselit për ti kërkuar t’ia shoh orën dhe veç 10 minuta kishin kaluar. Në një moment, kërkova ndjesë dhe u largova që të shkoj tek dollapi ku ishte telefoni im, që të kontaktoja edhe njëherë me nënën, të sigurohesha se ata janë mirë, dhe të përgaditur. Perdet më në fund u hapën, pashë babin tim, duke ngritur sytë drejt galerisë të publikut dalëngadalë duke skanuar se ku jemi ulur, ashtu siç bën gjithmonë në seancat ku kam marrë pjesë.
Sytë na u takuan, e përshendeta babin me atë shenjë që ai kishte përdorur gjatë fushatave të tij politike. Shenjë që mbase shumica nuk ja dijnë kuptimin. Në gjuhën e shenjave, ai simbol do të thotë të dua, babi e pat mësuar kët nga fëmijët e fshatit SOS, dhe pat vendosur ta përdorë për ti përcjellë një mesazh edhe popullit tonë.
Nuk kishim mundur të flasim gjatë ditëve paraprake, telefonata e caktuar me 15 Shtator, kur unë isha në Hagë kishte dështuar për arsye teknike. Duke njohur babin tim, e dija se gjysma më e madhe e merakut të tij ishte si jemi ne emocionalisht. Nuk kisha mundur ti tregojë atij se jemi të fortë, ndaj mundohesha që përmes shenjave dhe mimikave t’ia kumtoj atë mesazh. Dënimi u shqiptua, por para se të shqiptohet ai u paralajmërua nga gjykatësit. Përmes rreshtave e kuptova se babin dhe shokët e tij do i dënojnë. Kishte ndodhur ajo që ishim frikësuar.
As une, as familja ime, as familja e axhit Hashim, as ajo e bacës Jakup, e as ajo e axhës Rexhë nuk jemi frikësu nga drejtësia, por nga politika. Ata burra, prindërit tanë, padyshim se janë të pafajshëm, por në këtë rast sinqerisht mu krijua përshtypja se nuk ishte qështje e gjykimit të fajësisë apo pafajësisë, është qështje e pyetjes:
“Si mund ta justifikojmë një dënim për këta burra?”
Përballë kësaj padrejtësie, ne vazhdojmë të besojmë në botën perëndimore, vazhdojmë të besojmë se Apeli do e korrigjoj këtë vendim kaq të zhytur me politikë dhe padrejtësi, komplet kundër vlerave që përfaqëson bota e perendimit.
Një gjë duhet të dihet, nuk ekziston opsioni i dorëzimit, nuk ekziston opsioni i turpërimit, dhe nuk ekziston opsioni i mërzisë e urrejtjes. Ua kemi borxh atyre fëmijëve të dëshmorëve, që kanë shikua jashtë dritares si fëmije duke e pritur rikthimin e prindërve të tyre në shtëpi e që nuk ndodhi asnjëhere.
Ua kemi borxh grave të atyre luftëtarëve që fati u kërkoj të forcohen, të marrin dy rolet e shtëpisë e tu krijojnë fëmijëve të tyre një ambient të shëndoshë për ti rritur. Ua kemi borxh të zhdukurve e familjeve të tyre, që nuk kanë një varr ku ti vendosin lulet në përkujtim. Ua kemi borxh fëmijëve të të burgosurve politik të cilët u dasht ta kenë durimin për të pritur rikthimin e prindërve tyre
E në fund, ja kemi borxh njerëzve të mirë të Kosovës, popullit Shqiptar. Këti populli qe u mblodh në shesh e ju dolën lotët në sy kur ndëgjuan për padrejtësinë që ndodhi në Hagë. Këti populli që në çdo protestë dolën e thirrën për drejtësi. Këti populli që respektuan paqen e dëshmuan njerzillëkun dhe civilizimin. Këti populli që ka duruar shumë, e ka përbirë shumë veq për të arritur lirinë e mirëqenjen.
Njeriu përgjigjet dhe mund të gjykohet vetëm nga dy entitete: nga Zoti, dhe nga populli i tij. E para Zotit e popullit Shqiptarë, babi im, Hashim Thaçi, Jakup Krasniqi, Rexhep Selimi, Salih Mustafa, dhe Pjetër Shala gjithmonë do të dalin me faqe të bardhë./Dosja.al
Bedri Hamza, Albin Kurti KOSOVË- Tronditja e shkaktuar nga shpallja e aktgjykimit të shkallës së parë nga Dhomat e Specializuara ...
Hashim Thaçi HAGË- Ish-presidenti i Kosovës, Hashim Thaçi, ka reaguar një ditë pasi Gjykata Speciale në Hag&eum...
Agron Gjekmarkaj TIRANË- Deputeti i Partisë Demokratike Agron Gjekmarkaj, ka reaguar ashpër ndaj deklaratave të Taulant Ballës n&...
Ministria e Infrastrukturës dhe Energjisë TIRANË- Ministria e Infrastrukturës dhe Energjisë ka bërë me dije se Arb...
Igli Hasani TIRANË- Ish-ministri i Jashtëm, Igli Hasani tha se Shqipëria do të vijojë të mbështesë Kosovën dhe...
Taulant Balla TIRANË- Kryetari i Grupit Parlamentar të PS, Taulant Balla akuzoi opozitën se sot po kërkon t'i faturojë përgj...
Elisa Spiropali TIRANË- Ish-ministrja e Jashtme Elisa Spiropali ka reaguar pas dënimit të ish-krerëve të UÇK-së nga Gj...
pamje nga takimi TIRANË- Kryetari i PD-së, Sali Berisha dhe nënkryetari i Grupit Parlamentar të PD-së Tomor Alizoti kanë zhvi...
Niko Peleshi TIRANË- Kuvendi i Shqipërisë ka dalë me një deklaratë të përbashkët pas vendimit të dje...
Sali Berisha TIRANË- Lideri i PD-së, Sali Berisha i kërkoi ministres së Shëndetësisë Klodiana Spahiu të japë d...
