Pankartat e protestës së 110-të kundër qeverisë kanë përcjellë mesazhe të drejtpërdrejta ndaj kryeministrit Edi Rama, mazhorancës dhe institucioneve të drejtësisë.
Në fokus të protestuesve ka qenë situata ekonomike dhe akuzat për favorizim të oligarkëve. Një prej pankartave ngre pretendimin se qytetarët përballen me masa ndëshkuese për qëndrimet e tyre në protesta, ndërsa të pasurit vijojnë të përfitojnë.
“Për një fjalë në shesh, populli arrestohet, kurse bejlerët dhe oligarkët i lini të pasurohen. SPAK, përgatit prangat për këtë pushtet, se populli nuk ndalet”, thuhet në mesazhin e pankartës.
Një tjetër pankartë i referohet ish-ministres Belinda Balluku dhe hetimeve të SPAK ndaj saj. Në të shkruhet: “Populli pa bukë, nafta me çmime flakë, Belinda me vila, përfundoi në SPAK!”.
Kritikat janë drejtuar edhe ndaj Edi Ramës. Në një prej pankartave, protestuesit i referohen kryeministrit me termin “trajner”, duke shkruar: “Nuk ka më justifikim, as ‘trajner’ që ju shpëton. Dita 110 në shesh, këtë bandë po e rrëzon”.
Dita 110 në shesh, këtë bandë po e rrëzon”.
