Vijojnë protestat në Prishtinë kundër vendimit të Dhomave të Specializuara të Kosovës në Hagë ndaj ish-krerëve të Ushtrisë Çlirimtare të Kosovës.
Gjatë protestës së zhvilluar të enjten në mbrëmje, organizatorët deklaruan se tubimet do të vazhdojnë edhe në ditët në vijim.
“UÇK-ja ka nevojë për ne e ne do t’i përgjigjemi”, tha Çlirim Haziri, një prej organizatorëve të protestave.
Sipas tij, protestat do të vazhdojnë pa ndalur deri në kthimin e të dënuarve.
