110 ditë qëndresë/ Pas protestës para Kuvendit qytetarët mblidhen sërish në Bulevard: Arrestoni Ramën!
Protesta qytetare në Tiranë/ Protestuesit nisin marshimin drejt Kryeministrisë, thirrje: Rama jepe dorëheqjen 17 Shtator, 1...
Protesta qytetare në Tiranë/ Protestuesit nisin marshimin drejt Kryeministrisë, thirrje: Rama jepe dorëheqjen 17 Shtator, 1...
Haga dënoi me 81 vite burg në total ish-krerët e UÇK-së/ Studentët në Prishtinë nisin p...
Pagat e magjistratëve/ Bardhi: Nuk mund të tallemi me pagat e prokurorëve dhe gjyqtarëve, tërhiqeni ligjin 17 Sht...
VIDEO/ Protesta para Kuvendit, polica bllokon me gardh metalik zonën 17 Shtator, 09:17 Përshkallëzohet sit...
I nominuari për ambasador të SHBA-së në Serbi po ashtu tha se do të inkurajojë Serbinë që të nxisë stabilitetin dhe sigurinë në mbarë rajonin edhe përmes procesit të normalizimit të raporteve me Kosovën.
Në Komisionin për Marrëdhënie me Jashtë të Senatit amerikan, dy të nominuarit për ambasadorë amerikanë në Bosnje e Hercegovinë dhe Serbi thanë se, nëse konfirmohen në postet diplomatike, do të kenë synime kryesore stabilitetin rajonal dhe frenimin e ndikimit rus dhe kinez.
I nominuari për ambasador të SHBA-së në Serbi po ashtu tha se do të inkurajojë Serbinë që të nxisë stabilitetin dhe sigurinë në mbarë rajonin edhe përmes procesit të normalizimit të raporteve me Kosovën.
SHBA-ja dëshiron që "Sarajeva të jetë një partnere konstruktive"
Shtetet e Bashkuara mbeten të përkushtuara ndaj sovranitetit dhe integritetit territorial të Bosnje e Hercegovinës, si dhe ndaj paqes së vendosur me Marrëveshjen e Dejtonit.
Kështu deklaroi Ronald Johnson, i nominuar për ambasador të SHBA-së në Bosnje e Hercegovinë, gjatë seancës dëgjimore para Komisionit për Marrëdhënie me Jashtë të Senatit amerikan, më 17 shtator. Ronald J. Johnson është gjeneral brigade në pension i Marinës amerikane.
Ai tha se SHBA-ja synon që të ketë një Bosnje dhe Hercegovinë të qëndrueshme, të sigurt dhe të begatë, që është partnere konstruktive e SHBA-së.
“Nëse konfirmohem në këtë detyrë, do të punoj për ruajtjen e stabilitetit dhe nxitjen e një udhëheqjeje të përgjegjshme në mbarë Bosnje e Hercegovinën. Me afrimin e shpejtë të zgjedhjeve, është e rëndësishme që udhëheqësit politikë të përqendrohen në qeverisje të përgjegjshme dhe të arrijnë rezultate konkrete për qytetarët e Bosnje e Hercegovinës”, tha Johnson.
“Do të bashkëpunoj gjerësisht dhe vazhdimisht me të gjitha komunitetet dhe me aktorët e të gjithë spektrit politik, për të ndihmuar në uljen e tensioneve, parandalimin e përshkallëzimit dhe ruajtjen e stabilitetit, duke krijuar kështu kushte për një të ardhme më të mirë për të gjithë”, shtoi ai.
Ai theksoi se, 30 vjet pas Dejtonit, “e ardhmja e Bosnje e Hercegovinës duhet të varet gjithnjë e më shumë nga udhëheqësit dhe institucionet e saj”.
“Nëse konfirmohem, do të nxis zgjidhje pragmatike për sfidat politike dhe ekonomike, të mbështetura në nisma vendore, si dhe do të përkrah përpjekjet për forcimin e bashkëpunimit mes komuniteteve të ndryshme në Bosnje e Hercegovinë”, tha Johnson.
Sipas tij, SHBA-ja mund të luajë rol të rëndësishëm si partnere dhe ndërmjetësuese, duke ndihmuar në “krijimin e kushteve për paqe dhe begati afatgjatë, ndërsa njëkohësisht fuqizon udhëheqësit vendorë që të marrin më shumë përgjegjësi për të ardhmen e vendit të tyre”.
Johnson theksoi se, nëse konfirmohet në detyrën e ambasadorit në Sarajevë, do t’i japë përparësi zgjerimit të bashkëpunimit ekonomik dhe tregtar mes Shteteve të Bashkuara dhe Bosnje e Hercegovinës.
“Do të punoj për forcimin e sigurisë energjetike, rritjen e eksporteve amerikane dhe nxitjen e një mjedisi biznesi që inkurajon investimet amerikane në sektorët kyç”, tha Johnson.
Ai shtoi se Shtetet e Bashkuara janë “të përkushtuara ndaj nxitjes së stabilitetit dhe begatisë në rajon”.
“Nëse konfirmohem, do të bashkëpunoj me Bosnje e Hercegovinën dhe partnerët tanë për të kufizuar mundësitë për ndikim të dëmshëm nga Rusia dhe Kina. Do të bashkëpunoj me kolegët për dobësimin e organizatave kriminale ndërkombëtare dhe aktorëve të tjerë që veprojnë në mënyrë të dëmshme, duke shfrytëzuar dobësitë politike, ekonomike dhe të sigurisë. Një Bosnje e Hercegovinë e qëndrueshme dhe e begatë është në interes si të Shteteve të Bashkuara, ashtu edhe të popujve që jetojnë në Bosnje e Hercegovinës”, tha Johnson.
Johnson ka marrë më herët pëlqimin nga Presidenca e Bosnje e Hercegovinës. Ky pëlqim paraprak merret nga shteti pritës në mënyrë që një person të mund të emërohet në krye të një misioni diplomatik. Nëse konfirmohet, Johnson do të bëhet ambasadori i 11-të amerikan në Bosnje e Hercegovinë që nga viti 1995.
Që nga shtatori i vitit 2025, misionin diplomatik amerikan në këtë vend e drejton John Ginkel, si i ngarkuar me punë.
Seancë dëgjimore edhe për kandidatin për ambasador të SHBA-së në Serbi
Përveç Johnsonit, para Komisionit për Marrëdhënie me Jashtë të Senatit amerikan u paraqit edhe kandidati për ambasador të SHBA-së në Serbi, Michael Young. Ai tha se, nëse konfirmohet në këtë post, do të thellojë bashkëpunimin në fushën e mbrojtjes dhe sigurisë për të çuar përpara interesat amerikane. Gjithashtu tha se do të zgjerojë marrëdhëniet tregtare dhe investimet “për të rritur prosperitetin e SHBA-së, për të forcuar stabilitetin rajonal dhe për të vazhduar ndërtimin e partneritetit me Serbinë”.
“Do të vazhdoj të forcoj angazhimin tonë dypalësh dhe të thelloj lidhjet ekonomike e të biznesit, duke e orientuar Serbinë drejt pavarësisë energjetike dhe përmirësimit të infrastrukturës së saj energjetike. Do ta inkurajoj Serbinë të zgjedhë një të ardhme politike dhe ekonomike që u sjell përfitime Shteteve të Bashkuara, e jo konkurrentëve si Rusia dhe Kina”, tha Young.
“Kompanitë amerikane kanë potencial të madh në Serbi dhe lidhjet më të thella ekonomike me SHBA-në janë në interes të madh si për ne, ashtu edhe për Serbinë. Do të punoj për të siguruar një klimë të favorshme biznesi dhe kushte të barabarta në treg, ku këto kompani mund të konkurrojnë dhe të kenë sukses”, shtoi ai.
Sipas tij, përparësi do të ketë edhe thellimi i bashkëpunimit me Serbinë në fushën e sigurisë dhe mbrojtjes, teksa përmendi edhe procesin e normalizimit të raporteve Kosovë-Serbi.
“Do të sigurohem që industria amerikane të jetë në pozitë të mirë për t’iu përgjigjur interesimit në rritje të Serbisë për t’i përmbushur nevojat e saj të mbrojtjes përmes pajisjeve amerikane dhe bashkëpunimit me industrinë amerikane të mbrojtjes. Nëse konfirmohem, do të bashkëpunoj me Qeverinë e Serbisë për t’iu kundërvënë kërcënimeve globale dhe për të mbështetur përparësitë dhe interesat tona të përbashkëta. Do ta inkurajoj Serbinë të nxisë sigurinë, stabilitetin dhe prosperitetin në të gjithë Ballkanin Perëndimor, përfshirë përmes procesit të normalizimit të marrëdhënieve me Kosovën”, tha ai.
SHBA-ja mbështet procesin e normalizimit të raporteve mes Kosovës dhe Serbisë, që ndërmjetësohet nga Bashkimi Evropian. Por, procesi ka ngecur viteve të fundit. Ditë më parë, një zyrtar i DASH-it deklaroi se rinisja e procesit do të ndihmonte Uashingtonin në përpjekjet e saj që të bindë shtetet mosnjohëse, përfshirë ato në NATO, që të njohin pavarësinë e Kosovës.
Young shtoi se do të “vazhdojë bashkëpunimin me Serbinë që ajo ta shfrytëzojë ndikimin e saj për ruajtjen e stabilitetit rajonal, përfshirë në Bosnje e Hercegovinë, teksa përpiqemi të ruajmë paqen e vendosur me Marrëveshjen e Dejtonit”.
Gjatë administratës së presidentit George H. W. Bush, Michael Young punoi në Departamentin amerikan të Shtetit si ambasador për çështje të tregtisë dhe mjedisit, si zëvendësnënsekretar për çështje ekonomike dhe bujqësore, si dhe si zëvendëskëshilltar ligjor. Ai ishte gjithashtu president i Universitetit në Uhta nga viti 2004 deri më 2011. Shtetet e Bashkuara nuk kanë ambasador në Serbi që nga janari i vitit 2025, kur Christopher Hill u largua nga kjo detyrë.
Procedura e emërimit të ambasadorëve amerikanë
Procedura e emërimit të ambasadorëve amerikanë mbështetet në parimin kushtetues të “këshillimit dhe pëlqimit” të Senatit. Fillimisht, presidenti propozon të nominuarin për ambasador, i cili mund të jetë diplomat karriere ose i emëruar politik. Më pas, kandidatura i dërgohet Komisionit për Marrëdhënie me Jashtë të Senatit për shqyrtim.
Komisioni zakonisht organizon një seancë dëgjimore, gjatë së cilës i nominuari u përgjigjet pyetjeve të senatorëve për politikën amerikane, vendin ku do të shërbejë dhe tema të tjera të rëndësishme. Më pas, komisioni voton për kandidaturën dhe ia përcjell rekomandimin Senatit, ku ajo shqyrtohet dhe hidhet në votim.
Vetëm pasi Senati ta konfirmojë të nominuarin me shumicë votash, presidenti e emëron zyrtarisht ambasadorin. Ambasadori i ri më pas shkon në vendin pritës dhe ia dorëzon letrat kredenciale kreut të shtetit, duke marrë zyrtarisht detyrën.
Ndryshe nga shumë vende të tjera, ambasadorët amerikanë nuk e marrin detyrën menjëherë pas propozimit nga presidenti. Konfirmimi nga Senati është një mekanizëm i rëndësishëm i kontrollit mbi pushtetin ekzekutiv dhe procesi shpesh mund të zgjasë javë ose muaj, veçanërisht kur kandidatura shoqërohet me polemika politike./REL
Forcat ukrainase kanë krijuar një vijë mbrojtëse, në rajonin e Donjeckut. Diku nga fundi i majit, teksa pushtimi në shkall&eu...
Donald Trump POLONI- Presidenti amerikan Donald Trump ka njoftuar se është bërë përparim i rëndësishëm drejt kriji...
Donald Tusk POLONI- Kryeministri polak Donald Tusk paralajmëroi se Rusia mund të përgatisë sulme hibride me dronë dhe raketa ndaj...
Recep Tayyip Erdogan TURQI- Presidenti turk Recep Tayyip Erdogan ka deklaruar se anëtarësimi i Turqisë në Bashkimin Evropian nuk ë...
Pamje TURQI- Turqia ka transferuar Brigadën e 51-të Komando nga Hozati, në provincën e Tuncelit, drejt Soke në Aydin, disa kilomet...
Ulf Kristersson SUEDI- Kryeministri suedez në largim, Ulf Kristersson, ka pranuar humbjen në zgjedhjet parlamentare të së dielës ...
Ursula von der Leyen dhe Donald Trump BRUKSEL- Presidenti amerikan, Donald Trump po hap një front të ri me Bashkimin Evropian, këtë...
Afroditi Latinopoulou GREQI- Eurodeputetja greke Afroditi Latinopoulou e cilësoi Ursula von der Leyen si racisten më të madhe kund&eum...
Ursula von der Leyen dhe Donald Trump SHBA- Presidenti amerikan, Donald Trump ka kërcënuar me tarifa të larta dhe madje kufizime në...
Foto ilustruse Duke pasur parasysh situatën e tensionuar të sigurisë në Evropë, Presidentja e Komisionit Evropian, Ursul...
