Kafe e përgatitur me ujë apo qumësht, cila është më e shëndetshme

Kafeja është pjesë e rutinës së përditshme për miliona njerëz, por mënyra se si e përgatisim mund të ndryshojë përbërjen ushqyese të pijes. Disa e preferojnë të zezë, ndërsa të tjerë i shtojnë qumësht. Por a është njëra zgjedhje më e mirë se tjetra?

Kafeja e përgatitur vetëm me ujë nuk sjell kalori të konsiderueshme, për sa kohë nuk i shtohen sheqer apo përbërës të tjerë. Ajo përmban kafeinë dhe polifenole, përfshirë acidet klorogjenike, përbërës që janë studiuar për efektet e tyre në organizëm.

Ndërsa qumështi shton proteina, kalcium dhe lëndë të tjera ushqyese, por gjithashtu rrit përmbajtjen kalorike të kafesë. Proteinat e qumështit mund të ndërveprojnë me disa nga polifenolet e kafesë dhe të ndikojnë në mënyrën se si këto përbërës janë të disponueshëm për organizmin. Megjithatë, studimet nuk tregojnë se qumështi e bën kafenë të pashëndetshme.

Shtimi i qumështit nuk e eliminon kafeinën. Sasia e saj varet kryesisht nga lloji dhe sasia e kafesë, si dhe nga mënyra e përgatitjes. Prandaj, një kafe me qumësht mund të përmbajë po aq kafeinë sa një kafe e zezë e përgatitur me të njëjtën sasi kafeje.

Nëse dëshironi një pije me sa më pak kalori, kafeja e zezë me ujë është zgjedhja më e mirë. Nëse preferoni shijen e butë dhe dëshironi edhe proteinat e kalciumin që ofron qumështi, kafeja me qumësht është gjithashtu një zgjedhje normale.