Drejtuesit e Milan-it marrin vendimin për Amorim

Milan-i e nisi aventurën në Europa League me humbje ndaj Benfica-s në “San Siro”, në një ndeshje të ndjekur nga 65 mijë spektatorë.

Pronari i klubit, Gerry Cardinale, e ndoqi takimin nga Nju Jorku dhe pritet të jetë në Itali për sfidën e kampionatit ndaj Lecce-s. Pavarësisht rezultateve të fundit, drejtuesit e Milan-it e kanë cilësuar situatën si një fazë reflektimi dhe jo si krizë.

Ruben Amorim vazhdon të ketë mbështetjen e plotë të drejtuesve dhe kontrata e tij është deri më 30 qershor 2029, me opsion deri në vitin 2030. Pas humbjes me Benfica-n, Amorim qëndroi gjatë natës në Milanello për të analizuar situatën dhe për të përgatitur skuadrën për reagim.

Trajneri portugez pritet të ndryshojë disa elemente taktike, duke kërkuar më shumë stabilitet në mbrojtje dhe ekuilibër në lojë. Ndaj Lecce-s mund të rikthehen nga minuta e parë Adrien Rabiot dhe Christian Pulisic.

Milan-i do të përballet më pas me një kalendar të ngjeshur, me nëntë ndeshje mes Serisë A dhe Europa League ndërmjet pushimeve të tetorit dhe nëntorit.