Vinicius nën pritshmëri, i rrezikohet vendi te Reali

Vinicius Junior po kalon një nisje sezoni nën pritshmëritë te Real Madrid, pavarësisht se vazhdon të jetë titullar. 26-vjeçari ka shënuar vetëm një gol në 598 minuta, ndërsa ka dhënë tre asistime.

Në ndeshjen e fundit ndaj Elches, braziliani ishte aktiv në sulm dhe regjistroi pesë goditje drejt portës.

Rasti më i mirë për të shënuar erdhi në minutën e 64-t, kur doli i vetëm përballë portierit, por goditja përfundoi jashtë.

Pas ndeshjes, Vinicius pranoi se duhet të reagojë dhe në rrjetet sociale shkroi se golat do të rikthehen, duke kërkuar më shumë efikasitet në rastet e krijuara.

Në minutën e 68-të, Mourinho e zëvendësoi brazilianin, duke shpjeguar se ai ishte lodhur nga puna e bërë gjatë ndeshjes, veçanërisht në fazën mbrojtëse.

Në vend të tij hyri Yan Diomande, i cili solli ritëm dhe rrezik në fazën ofensive. Me Mbappe, Bellingham, Guler dhe Diomande që kërkojnë hapësira në formacion, Vinicius duhet të rikthehet te golat dhe vazhdimësia për të ruajtur statusin e titullarit.