Presidenti francez Emmanuel Macron ka paralajmëruar se lufta hibride që Rusia po zhvillon në Europë do të marrë një përgjigje.
Deklarata e tij u bë gjatë një takimi në Pallatin Élysée me kandidatët kryesorë për zgjedhjet presidenciale të vitit 2027 dhe drejtuesit e partive politike.
“Askush nuk është i sigurt”, ka deklaruar Macron, duke iu referuar kërcënimeve që lidhen me veprimtarinë ruse në Europë.
Ndërkohë, zhvillime të reja raportohen edhe në planin diplomatik dhe ekonomik. Sipas New York Times, që citon dy burime pranë bisedimeve, Shtëpia e Bardhë po shqyrton mundësinë e nënshkrimit të marrëveshjeve ekonomike me Rusinë përpara përfundimit të luftës në Ukrainë.
Në Rusi, ndërkohë, zhvillohen zgjedhjet e para parlamentare që prej nisjes së konfliktit. Fitorja e Vladimir Putinit konsiderohet e sigurt, ndërsa kreu i Kremlinit ka vendosur me dekret nën kontroll të përkohshëm asetet e kompanive Nestlé dhe Auchan.
Në terren, pas shkeljes së hapësirës ajrore të Lituanisë nga avionë ushtarakë rusë, të cilët u larguan nga avionë luftarakë italianë në dispozicion të NATO-s, situata vijon të mbetet e tensionuar.
