Bota
“Do t’i godasim…”, Netanyahu kërkon heqjen e shtetësisë për kritikët e ushtrisë
Ilustrim · Vizion Plus
Kryeministri izraelit, Benjamin Netanyahu ka bërë thirrje për heqjen e shtetësisë së personave që kritikojnë ushtrinë izraelite, duke theksuar se do të propozojë dy ligje të reja.
Kjo nismë është një përgjigje e drejtpërdrejtë ndaj dokumentarit “NAZA”, në të cilin ushtarë izraelitë dëshmojnë për krime lufte të kryera në Gaza.
Në një deklaratë përmes rrjeteve sociale, Netanyahu njoftoi se do t’i dërgojë parlamentit dy propozime të reja ligjore, të cilat përfshijnë heqjen e shtetësisë për këdo që shpif ndaj ushtarëve, si dhe gjoba të mëdha, përkatësisht rritjen deri në 20-fish të shumës së dëmshpërblimit për shpifje.
“Do t’i godasim edhe në xhep, edhe në shtetësi, sepse nuk e kanë vendin mes nesh”, deklaroi ai.
