Mancini nis aventurën tek Italia, publikon listën me ndryshime të mëdha

Roberto Mancini ka bërë publike listën e parë të lojtarëve që do të ketë në dispozicion në aventurën e dytë në stolin e Italisë. Trajneri ka përzgjedhur 34 futbollistë për katër ndeshjet e para të Ligës së Kombeve, me kombëtaren italiane që do të përballet me Belgjikën, Turqinë, Francën dhe sërish Turqinë.

Lista përmban disa emra të rinj, pasi nëntë futbollistë marrin për herë të parë ftesën me kombëtaren A. Mes tyre është portieri i Bolognas Massimo Pessina, mbrojtësi i Romës Daniele Ghilardi, mbrojtësi i Brentfordit Kayode dhe mbrojtësi i Monzës Edi Kouadio. Në mesfushë janë për herë të parë Alesandro Romano, lojtar i Cagliarit, dhe Issa Doumbia i Sportingut.

Romano është një nga emrat që vjen me një ndryshim. Mesfushori i Cagliarit kishte luajtur më parë për ekipet e moshave të Zvicrës, por ditët e fundit kishte zgjedhur të ndryshonte kombësinë dhe tani është pjesë e listës së Italisë.

Në repartin ofensiv, debutuesit janë Sebastiano Esposito i Sassuolos, Antonio Vergara i Napolit dhe Mohamed Alì Zoma i Nurembergut. Në listë është edhe Francesco Pio Esposito. Daniel Maldini gjithashtu është përfshirë në grumbullim, duke qenë një tjetër prej emrave të rëndësishëm të listës së Mancinit.

Krahas debutuesve, ka edhe rikthime në kombëtare. Nikolo Fagiolit dhe Nicolo Zaniolo do të veshin sërish fanellën e Italisë, pasi të dy nuk ishin grumbulluar që nga tetori i vitit 2024. Një tjetër rikthim është ai i Rolando Mandragoras, i cili ishte grumbulluar për herë të fundit në marsin e vitit 2021.

LISTA

Portierët: Marco Carnesecchi (Atalanta), Gianluigi Donnarumma (Manchester City), Massimo Pessina (Bologna), Guglielmo Vicario (Juventus);

Mbrojtësit: Honest Ahanor (Crystal Palace), Alessandro Bastoni (Inter), Riccardo Calafiori (Arsenal), Diego Coppola (Paris FC), Giovanni Di Lorenzo (Napoli), Federico Dimarco (Inter), Daniele Ghilardi (Roma), Michael Kayode (Brentford), Eddy Kouadio (Monza), Gianluca Mancini (Roma), Giorgio Scalvini (Atalanta);

Mesfushorët: Nicolò Barella (Inter), Bryan Cristante (Roma), Issa Doumbia (Sporting CP), Nicolò Fagioli (Fiorentina), Davide Frattesi (Lazio), Rolando Mandragora (Torino), Alessandro Romano (Cagliari), Sandro Tonali (Tottenham);

Sulmuesit: Nicolò Cambiaghi (Bologna), Francesco Pio Esposito (Inter), Sebastiano Esposito (Sassuolo), Samuele Inacio (Borussia Dortmund), Moise Kean (Como), Daniel Maldini (Cagliari), Giacomo Raspadori (Atalanta), Gianluca Scamacca (Atalanta), Antonio Vergara (Napoli), Nicolò Zaniolo (Udinese), Mohamed Alì Zoma (Nurenberg).