Një 75-vjeçare në Virxhinian Perëndimore është arrestuar pas vdekjes së bashkëshortit të saj 76-vjeçar, i cili sipas autoriteteve qëndroi për rreth 19 orë i bllokuar në banjën e banesës, pa ushqim dhe ujë.
Ngjarja ka ndodhur në Morgantown. Sipas kallëzimit penal, burri shkoi në banjë rreth orës 15:00 të 20 gushtit, por nuk ishte në gjendje të dilte prej saj.
Autoritetet pretendojnë se Margaret Louise Rog nuk kërkoi ndihmë dhe nuk telefonoi 911 gjatë gjithë natës, ndërsa bashkëshorti i saj qëndroi i pafuqishëm në banjë. Sipas akuzës, ajo dyshohet se e la aty dhe shkoi të flinte.
76-vjeçari u gjet më 21 gusht nga një terapist i të folurit, i cili e përshkroi gjendjen e tij si tepër të rënduar. Ai u transportua menjëherë në spital, ku qëndroi deri më 31 gusht, kur ndërroi jetë.
Autopsia përcaktoi se 76-vjeçari vdiq nga sepsa dhe pamjaftueshmëria kardiake. Sipas autoriteteve, lëndimet e pësuara gjatë kohës që qëndroi në banjë ishin faktorë të rëndësishëm në përkeqësimin e gjendjes dhe vdekjen e tij.
Rog u arrestua më 15 shtator dhe u dërgua në Burgun Rajonal të Qendrës Veriore.
Ajo përballet me akuza për abuzim, neglizhencë ose neglizhencë të rëndë ndaj një të rrituri të pafuqishëm, kur kjo sjell një rrezik të konsiderueshëm për dëmtime të rënda trupore ose vdekje.
Hetimi për rrethanat e ngjarjes vijon./Versus.al
